تامر حسني يوجه نصائح لـ متابعيه عبر فيسبوك

شارك الفنان تامر حسني تغريدة جديدة له عبر موقع التواصل الاجتماعي “فيس بوك”.وكتب تامر:"صباح الفل على احلى ناس في الحقيقه انا بقالي سنه مركز جداً و بدرس بعض العلوم منها علم النفس و علوم اخرى".

وأكمل:"المهم انا عارف ان كتير منا جواهم عاده سيئه او ذنب مواظب عليه او طريقة حياه مضايقاه بشكل عام او قرار مش عارف ياخده  زي يبطل حاجه ، يخس ، يتخن   في النهايه احنا هنقف قدام ( قرار صارم)  ،خد قرار صارم".

وأضاف:"حط حاجه مفيده تشغلك وقتك متسيبش نفسك للفراغ ابداً ،المهم اوي بقى  عدد الايام اللي الانسان بيحتاجها للتغيير بإستثناء ان في ناس بيقاوموا عادات لسنين عشان دا زي مابقول انه نسبي، العلم اثبت بالتجارب  ان الناس اكيد بينهم تفاوت نسبي حسب ظروفهم و معيشتهم و اللي اتعودوا عليه طول حياتهم".

وقال تامر:" في ناس عشان  تبطل شيء او تواظب على شيء هتحتاج  ١٨ يوم و في ناس ٦٦ يوم   يعني لو انت جيت عند اليوم ال ١٨ لقيت نفسك لسه مش قادر ، لازم تكمل عشان كده معناه انك من الناس اللي هتحتاج ال ٦٦ يوم  و يعني مش هيضر لو حسيت انك محتاج شوية وقت كمان كمل شويه كمان بس متضيعش مجهودك اللي فات يا بطل". 

واختتم الفنان :"ساعتها هتبقى فخور بنفسك و روحك المعنويه في السما هتلاقي نفسك اقوى و تفكيرك اجمل بكتير فهتقدر تكمل  و انت مبسوط ان شاء الله ، يلا نبدأ حالاً على نهار ربنا الجميل".

  قـــد يهمــــــــك أيضــــــاُ : 

أحمد التهامي يعتذر لتامر حسني بعد أزمة فيلم تاج

تامر حسني يبحث عن بطلة لفيلمه الجديد بعد اعتذار مي عمر