تامر حسني يدعم مرضى ضمور العضلات

نشر الفنان تامر حسني تعليقا عبر حسابه على موقع التواصل الاجتماعى انستجرام يرد فيه على المذيع حسين الجوهرى والذى طالبه بدعم مزاد علاج ضمور العضلات. وقال تامر حسنى : "يا حسين يا حبيبي انا معاك و بدعمك و بدعم حملتك الإنسانية السامية وسلامي لصديقي و حبيبي استاذ خيري رمضان وعندي فكره أتمنى رعايتها ودعمها من اجل كل مريض فكره مش هتخلي مريض واحد في مصر يمد ايده لحد. وأضاف تامر حسنى : "لو مليون مصري اشترك فيها هنحل ازمة الامراض المكلفه في مصر كلها، مليون مصري بس من ال ١٢٠ مليون مصري هيتطوعوا على حساب معين للتبرع و هيكون في لجنه مسؤولة من جهه رسميه مسؤولة في الدوله بتقيم الحاله مادياً و المليون مشترك دول هيكونوا بيتبرعوا بشكل دائم كزكاة عنهم و عن اولادهم لخدمة مجتمع كامل و ممكن نسميها مثلاً صفحة المليون أخ.

تامر حسنى وضمور العضلات 
واوضح تامر حسنى : "كل ما تظهر حاله محتاجه رقم صعب الصفحه هتدرسها و تعلن عن الحاله وتكلفتها التبرع هيبقى في حدود من ٢٠ جنيه ل ٤٠ حسب الحاله بس ساعتها اول ما هنعلن هنجمع الفلوس في ثانيه لكل المحتاجين و كل المقتدرين اللي ربنا هينور قلوبهم و هيشتركوا في الحساب ده، مش هيحسوا انهم دفعوا حاجه بس هينقذوا حياة اطفال كتير و ناس كتير محتاجه، ومين عارف جايز الفكره دي تخلي مفيش ولا واحد مريض في مصر مش لاقي يتعالج و جايز المليون مشترك يكتروا، 

واختتم تامر حسنى حديثه : “والله والله والله دي فكره بسيطه مش هتكلف حد بس هتخدم ناس كتير هتخدم بلد هتخدم كل المحتاجين و نخليهم ميمدوش ايديهم لحد يكسفهم ، ربنا خلقنا عشان نساعد بعض و زي ما علمنا رسولنا الكريم .. خير الناس انفعهم للناس يعني ربنا بيحب الناس اللي بتنفع الناس و اي صدقه بتخرج من اي حد مستحيل تنقص ماله بالعكس هيضاعفها ربنا في رزقه و هيكرمه و يطهره و يرفع عنه بيها يارب الفكره دي تتحقق”. 

قـــد يهمــــــــك أيضــــــاُ : 

طرح فيلم "بحبك" لـ تامر حسنى 7 يوليو المقبل

تامر حسني يقدم باسم ضيف للمرة الأولى في فيلم «بحبك»