رسالة مؤثرة من المطرب الشعبي حمو بيكا إلى هاني مهنا

وجه المطرب الشعبي حمو بيكا، رسالة إلى الموسيقار هاني مهنا، بشأن التصريحات التي أوضح فيها، أنه تفاجأ بحضور كل من عمر كمال وحسن شاكوش وحمو بيكا في حفل زفاف ابنته هنادي مهنا، يوم الجمعة الماضي، على أحمد خالد صالح، مؤكدًا أنه لم يتم دعوتهم من أحد.

ونشر حمو بيكا، مقطع فيديو، عبر حسابه على "فيس بوك"، قال خلاله: "في البداية، أنا بعتذر للفنان هانى شاكر، وأنا مش عامل الفيديو عشان كده، لكن أنا نمت وصحيت، لقيت ناس كتير متصلة عليا، وبيقولولى الحق اللي حصل، وعرفت تصريحات أستاذ هاني مهني، وأنا بوجه كلمة لحضرتك، أنا يزيدني الشرف إني أعرفك، والنجوم اللي حضروا فرح هنادي على راسى، وكلهم عارفين مين حسن شاكوش وعمر كمال وحمو بيكا".

وأضاف: "بنت حضرتك اتصلت بعمر كمال، وقالت له أنا نفسي تحضر فرحي أنت وبيكا وحسن، فعلى أساس الطلب دا، حضرنا، وقدرنا بنت حضرتك، لكن نتفاجئ إن حضرتك تنزل تصريحات، تقول حمو بيكا مش اتعزم، حضرتك أنا مش مستنى إنك تعزمنى خالص، وأنت شايفني إني بيئة ومتسول، لكن أنا الحمد لله ابن ناس، وعمري ما جيت على حد".

وتساءل: "ليه كلكم بتيجوا عليا وشايفيني إني حاجة وحشة، وممكن من تعاملكم دا تجعلوا منى مجرم، أنتوا بتقولوا إنكم متعلمين، فين التعليم اللي يخليكم تهاجموا شاب لسه بيبدأ طريقه، وتعاملونى المعاملة الوحشة دي، أنا كل اللى محتاجه إني آكل عيش وأشتغل، أنا لسه متجوز من شهر، وابني جاي في الطريق، وهتحبس، يرضي مين؟ دا أنا واثق إن أستاذ هاني شاكر هيقف معايا.

قد يهمك أيضا :  

نظر محاكمة حمو بيكا في اتهامه بسب وقذف الفنان هانى شاكر

التعليق الأول من المطرب حمو بيكا بعد حبسه عامين بسبب هاني شاكر