أحمد مالك يكشف موقفه من انتقادات الجمهور

كشف الفنان أحمد مالك، كيفية تعامله مع الانتقادات التي يتعرض لها أي فنان على مدار مشواره الفني، مشيرًا إلى أنه إذا كان النقد إيجابيا يلتفت إليه.

أحمد مالك يكشف موقفه من انتقادات الجمهور: ممكن أستفيد منها في هذه الحالة
وقال أحمد مالك، خلال لقائه مع القاهرة 24: الانتقادات بتكون موجودة طول الوقت، زي ما في ناس كمان بتشجعني، وأنا بتعامل إن مش لازم طول الوقت آخد الانتقاد على إنها حاجة وحشة، وممكن أتعلم منها لو هتساعدني إني أحسن أدائي، لكن لو انتقاد في شخصي من غير مرجع أو إثبات بتجاهل.

وعلى جانب آخر، يعرض حاليا لأحمد مالك مسلسل مطعم الحبايب، عبر منصة شاهد vip، وتشاركه في البطولة الفنانة هدى المفتي.

وتحدث أحمد مالك عن تحضيرات دوره في مسلسل مطعم الحبايب، قائلا: روحت أول حاجة نزلت مطاعم ووقفت في المطبخ لفترة وحاولت أفهم العالم ده عامل إزاي، واكتشفت إن الوقفة في المطبخ مهلكة وصعبة قد إيه، واتعلمت أساسيات الموضوع وده عرفنى على الدور والشخصية أكتر وأنا حبيت الدور جدا.

وبشأن كواليس العمل، رد مالك: الكواليس كانت ممتعة والكاست كلهم أساتذة وليهم تقل كبير جدا وبذات في تاريخ الكوميديا رهيب يعنى، فطبعا ده كان بيتعكس عندنا فى اللوكيشن، فالموضوع كان لذيذا، وهدى المفتى من الشخصيات اللى تحس أنك اشتغلت معها قبل كده لمدة سنين طويلة فكان في تعاون، وهي ممثلة مهمة وعندها كتير فاستمتعت بالشغل معها.

ويضم  مسلسل مطعم الحبايب كل من بيومي فؤاد، انتصار، إسلام إبراهيم، سامي مغاوري، وعايدة رياض، مع عدد من ضيوف الشرف منهم عبير صبري، والعمل من تأليف مريم نعوم وإخراج عصام عبدالحميد وإنتاج عبدالله أبو الفتوح.

قـــد يهمــــــــك أيضــــــاُ : 

تفاصيل دور أحمد مالك فـي «مطعم الحبايب»

أحمد مالك وطه دسوقي يجتمعان في "ولاد الشمس" رمضان 2025