أمير طعيمة يُهاجم النادي الأهلي وجمهوره بأبشع الكلمات

هاجم الشاعر الغنائي، أمير طعيمة، النادي الأهلي وجمهوره، وذلك عبر منشور له على “فيسبوك”، أعلن من خلاله كرهه للمارد الأحمر وندمه على أحد أغانيه التي كتبها له.

وكتب طعيمة: “الناس كلهم عارفين إني مش أهلاوي و لا زملكاوي، وان كان احترامي للأهلي ككيان احترام كبير، وعشان تفهموا اللي هقوله كويس لازم تدخلوا علي صفحتي الرسمية وتشوفوا تعليقات جمهور الأهلي المحترم علي آخر بوست رغم أنه بوست فني”.

وتابع: “المختصر المفيد أنا حاليًا ما بكرهش في حياتي قد الأهلي طالما ده جمهوره، هتقولي قلة؟ هقولك على الرغم من أن مفيش تعليق واحد يتوصف بالاحترام لا علي فيسبوك ولا تويتر، بس حتى لو قلة يغوروا بناديهم”.

وواصل الشاعر الغنائي: “وبعلن ندمي واعتذاري لنفسي علي أغنية نادي المبادئ اللي أهديتها للخطيب في حملته الانتخابية”، مردفًا: “اللي مش عاجبه الكلمتين دول يخرج من عندي عشان ما اخسرش حد علي موضوع تافه”.

واستكمل طعيمة: “ملحوظة مهمة: أنا عمري ما اتكلمت عن الأهلي أو غيره بعدم احترام، بس طبعًا ده كان ياما كان”، مضيفًا: “تحديث: كلامي واضح أنا قلت إن الأهلي بقي أكتر حاجة بكرهها في حياتي و ما قلتش إني بكره و هكره كل شخص بيشجع الأهلي، أكيد أنا مش مجنون و فيه مقربين مني أهلاوية و أكيد محترمين”

قد يهمك أيضًا:

أمير طعيمة يتعاون مع شيرين في 5 أغنيات بألبومها "نسّاي"

أمير طعيمة يدعو الممثلين لمقاطعة محمد رمضان