ميمي جمال تكشف لأول مرة سبب رفضها الزواج بعد رحيل حسن مصطفى

تحدثت الفنانة ميمي جمال عن فكرة الزواج مرة ثانية بعد رحيل زوجها الفنان حسن مصطفى، وزواج أولادها، معلقة :«أنا مش صغيرة في السن عشان أفكر في الزواج، مفيش حاجة اسمها ونس أنا عندي ولادي بالدنيا».

ميمي جمال: قعدت 6 سنين بعد وفاة حسن مصطفى، ماكنتش قادرة أشتغل

وأضافت ميمي جمال خلال تصريحاتها في برنامج «مع خيري» الذي يقدمه الإعلامي خيري رمضان، عبر قناة المحور الفضائية:«قعدت 6 سنين بعد وفاة حسن مصطفى، ماكنتش قادرة أشتغل.. ماكنتش قادرة أخرج من الوضع، وأنا كنت قاعدة معاه في البيت السنة اللي بعد موته كنت بقعد في مكان وآجي أبص ملاقيش جنبي حد، وكنت بقوله كل يوم لفترة تصبح على خير.. حسيت بالفراغ، كان في حاجة معايا مكملاني نص الهوا اللي في صدري راح، في حاجة راحت».

واستكملت:«أنا بعد جوزي الله يرحمه الحج حسن مصطفى لما اتوفى، قعدت أكتر من 5 سنين مكنتش قادرة أشتغل، وعملت كذا عمرة فليا كذا صورة وأنا محجبة».

اعتزال ميمي جمال

وعن شائعات اعتزالها الفن قالت: «أتشرف طبعا أنني محجبة بس صوري بالحجاب دي أيام ما كنت بعمل العمرة مع جوزي، وأنا ما اعتزلتش، وبعد ما جوزت بناتي الحمد لله لقيت نفسي ما بفهمش أي حاجة في الحياة إلا التمثيل».

وأضافت: «أرفض ما يحدث على مواقع التواصل الاجتماعي من آراء جدلية، مثل الإشادة بدعم عمرو يوسف لكندة علوش في حين أن ما حدث طبيعي بين أي زوجين، هنتكلم في دي كمان، ما الزوج سند بلاش التريند ده».

قد يهمك أيضــــاً:

ميمي جمال تكشف حقيقة رفضها العمل مع ياسر جلال

ميمي جمال تكشف عن دورها بمسلسل "بقينا اتنين"