انتقادات حادة وهجوم من الجمهور على فيلم تامر حسني الجديد

شن بعض جمهور الفنان تامر حسني حملة انتقادات واسعة بسبب فيلمه الأخير "تاج" الذي تم عرضه في عيد الأضحى، ورغم تحقيقه إيرادات عالية منذ بدء عرضه، فإن ردود الأفعال الجماهيرية والنقدية تجاهه تفاوتت، وجاء كثير منها مهاجمًا ورافضًا محتواه.

وعلق جمهور السوشيال ميديا على الفيلم بأنه كان ينتظر أفضل من هذا، وعلق أحد الجمهور قائلاً: "فيلم تاج "حقيقي كان نفسي أخرج من الفيلم مبسوط، أنا من أكتر الناس اللي بتحب تامر في المطلق من وأنا صغير بس حقيقي تامر من أول ما بدأ يكتب أفلامه والموضوع بقي صعب جداً جداً من أول السيناريو والحوار اللي لازم يتقال فيه "إن قد إيه تامر وسيم وشكله حلو" كعادته مؤخراً، لحد الكوميديا الغريبة، اللي نصفها حرفياً من السوشيال ميديا ومن أول كمان ما دخلت مش دلوقتي".

وتابع: "واعتماد تامر بشكل غريب على الإيحاءات اللي المفروض هي عكس شخصيته تماماً وعكس فئة كبيرة من جمهور تامر زي الأسر والأطفال الصغيرة بالتحديد وبالرغم من كل ده القصة حلوة ولكن عايزة مؤلف يكتبها".

وأضاف: "وده اللي كان بيعمله زمان ومنجحه جدًا إنه بيجيب القصة بس مش هو اللي بيكتبها.. محدش هيقدر ينكر إن تامر حسني لو نزل قدام عادل إمام هيجيب إيرادات بسبب شعبيته اللي مش طبيعية ما شاء الله على مستوى الوطن العربي ولا إنه أنجح مطرب ممثل في جيله بل كمان في الأجيال اللي سبقته، لكن صدقني بجد مبقاش حلو خالص إننا ندخل الفيلم عشانك ونخرج منه زعلانين عليك وعلى مستواك وعلى الـ١٠٠ جنيه اللي دفعناها".

وعلق آخر قائلاً: "أنا لسة شايف فيلم تاج، ومش هسيب حقي كمشاهد صدقوني".

فيلم "تاج" بطولة تامر حسني، دينا الشربيني، هالة فاخر، عمرو عبد الجليل، ساندي، أحمد بدير، ليلى عز العرب، وعدد آخر من الفنانين وضيوف الشرف، والعمل قصة وسيناريو وحوار تامر حسني، إخراج سارة وفيق.

  قـــد يهمــــــــك أيضــــــاُ : 

فيلم تاج بطولة تامر حسني يقترب من 15 مليون جنيه فى 3 أيام عرض بالسينما

تامر حسني يكشف تأثير فيلم "تاج" عليه