غادة عبد الرازق تتحدث عن الخيانة وتأثيرها على حياتها الشخصية

صرحت الفنانة غادة عبد الرازق، خلال حلولها ضيفة على إحدى الندوات الفنية، بأنها لا تمتلك أصدقاء منذ 12 عامًا، بسبب أنها تعرضت للخيانة منهم كثيرًا، واصفة نفسها بأنها تمتلك قرون استشعار تشعر بها بخيانة الرجل.

وقالت غادة: "أنا بتعامل بقلبي بس ده بيوديني في 60 داهية، لأن الناس بتفتكر أني هبلة أو عبيطة وده إحساس يضايق، لا أنا مش عبيطة أنا محترمة ومش بحب حد ييجي على كرامتي أنا أو أهلي".

وتابعت: "تعرضت للخيانة أكيد في حياتي بس مقفشتهومش، وبالنسبة لخيانة الأصدقاء منهم اللي خانوني كتير لدرجة إني بقالي 12 سنة مثلا معنديش صحاب، وبنتي بتستغرب لما بقولها خارجة مع واحدة صاحبتي، فبطلت موضوع الصداقة ده عشان اتعقدت".
وأضافت: "وبالنسبة لخيانة الرجل أنا عندي قرون استشعار بتحسسني بمؤشرات الخيانة، وطالما الإحساس ده جالي يبقى هفتش في الموبايل عشان أخربها ومش هيبقى فيه تسامح خالص".

وفي السياق ذاته، كشفت غادة عبد الرازق طريقة التعامل مع الرجل الخائن، قائلة: "شخصية الراجل هي اللي بتفرق في نوع رد الفعل على الخيانة، يعني فيه راجل ممكن تواجهيه وتكوني دخلتي نفسك في الحيطة، وهتقوليله يا أنا يا هي هيقولك هي ولو عايزة تمشي امشي، فهتبقي أذيتي نفسك بس".

وأردفت: "وممكن راجل تكون شخصيته إنه بيخاف، ومجرد ما يحس إنك عرفتي هو يقطع العلاقة من نفسه خوفًا على البيت والأسرة، فشخصية الراجل هي اللي بتحدد هتتعاملي إزاي".

قـــد يهمــــــــك أيضــــــاُ : 

غادة عبد الرازق تهدد شخص في برومو «تلت التلاتة»

غادة عبد الرازق تنافس في رمضان المقبل بـ«تلت التلاتة»