هنا الزاهد تتغيب عن مهرجان "القاهرة السينمائي" بسبب مسلسلها

تغيبت الفنانة هنا الزاهد عن حضور حفل افتتاح مهرجان القاهرة السينمائي الدولي وذلك بسبب تواجدها في لبنان لتصوير مسلسل “سيب وأنا أسيب” من إخراج وائل إحسان.

وكان قد وضع الفنان حسين فهمي "دريس كود"  للفنانيين في مهرجان القاهرة السينمائي الدولي المقرر إقامته في الفترة من 13 إلى 22 نوفمبر المقبل، قائلًا: "لما جيت المهرجان لقيت أن كل واحد بيلبس اللي هو عايزه، أنا لما حد بيجيلي البيت مش هستقبله بالبيجامة، هلبس كويس والستات تلبس لطيف".

 وتابع حسين فهمي قائلًا: "للأسف الشديد الأمر تطور لأكثر مما كنت متخيل، وبقى (وريني يا حبيبتي الفستان طيب لفي كده مين اللي عامل التسريحة واسمه أيه الكوافير؟)، مش ده المهرجان، لازم كلنا نبقى ملتزمين بالملابس الرسمية بتاعة كل المهرجانات الدولية، ألان ديلون لما جه المهرجان كان جاي بالبدلة السموكنج على كتفه، ده عادي واللبس اللي إحنا بنتفق عليه دوليا، نفس الزي الرسمي هيبقى موجود، والناس هتلبس كويس وتبقى شيك وهيبان إنه مهرجان قيم جدا".

 وتفقدت الدكتورة نيفين الكيلاني، وزيرة الثقافة، والفنان حسين فهمي، رئيس مهرجان القاهرة السينمائي الدولي اللمسات النهائية، للتجهيزات والترتيبات، والوقوف على حالة التجهيزات الخاصة بالسجادة الحمراء، المُخصصة لاستقبال ضيوف المهرجان، وحالة الجاهزية لمسارح الأوبرا المتعددة المستضيفة للمهرجان، وكذلك كافة الترتيبات الخاصة بتوفير سبل الراحة للضيوف.

قـــد يهمــــــــك أيضــــــاُ : 

هنا الزاهد تنضم لأبطال فيلم "بعد الشر" لـ علي ربيع

هنا الزاهد تدعم زوجها أحمد فهمى في مسلسله الجديد