مها أحمد تكشف تفاصيل أزمتها مع كرارة والسقا

علقت الفنانة مها أحمد على أزمة غضبها من الفنان أحمد السقا والفنان أمير كرارة أثناء عرض مسلسل نسل الأغراب قائلة: «الغضب مخسرنيش السقا وكرارة، ومقصدش ازعل أحمد وأمير، وساعتها مقللتش منهم، والسقا اخويا ولو شاف حاجة معجبتوش بيقولي».

وأضافت: «لكني غلطت إني عاتبت على السوشيال ميديا، أيامها مكنش عندي دراية بقوة وجبروت السوشيال ميديا وموضوع التريند، وكنت بعيدة عن السوشيال ميديا، ولما لقيت الناس عاملة اكونتات فيك قلت لا اعمل اكونت خاص ليا، وقلت أقعد افضفض مع نفسي عالسوشيال، نمت صحيت لقيت الدنيا مقلوبة عليا، واكتشفت أن في ناس في السوشيال بتكرهك اكتر ما بتحبك».

وتابعت مها احمد خلال استضافتها ببرنامج «أسرار» مع الإعلامية أميرة بدر المذاع على قناة النهار: «كبريائي معملتش حاجة تستاهل اني اعتذر لكرارة والسقا، ومجدي عاتبني وقالي كنتي قلتيلي أو فضفضتي معايا الأول، وكان ممكن اشيل البوست اللي عملته لكن لقيت في توابع فيها تطاول، فا قلت مش هشيله، كل الفنانيين كانوا محايدين حتى النقابة، في فنانات ومذيعات مرتزقة كتبوا شكر للسقا وكرارة، على اساس اني بنت البطة السودة».

واستكملت: «واللي فرق معايا 3 أشخاص، واحدة قعدت تشكر ف المسلسل وبعدها كلمتني، والتانية معروف انها صاحبتي وفجأة لقيتها كاتبة بوست طويل عريض بتشكر في تربيتهم، والناس في الكومنتات بتقلها طب وصاحبتك؟، وانا معاتبش حد بالعكس هسيبه ع عماه».

قد يهمك أيضــــاً:

الردّ الأول من مها أحمد بعد انتقادات حديثها بألفاظ خادشة

مها أحمد تصدم الجمهور بطريقة مهاجمة المتابعين