ميمي جمال تكشف تفاصيل وأسباب ابتعادها عن التمثيل الفترة الماضية

تحدثت الفنانة القديرة ميمي جمال عن فترة توقفها عن التمثيل، موضحة أنها ابتعدت بعد وفاة زوجها الفنان حسن مصطفى في عام 2015، الذي تأثرت كثيراً بوفاته.أضافت خلال حوارها مع الإعلامية منى الشاذلي في برنامج "معكم منى الشاذلي"، على قناة cbc، أنها بعد وفاة زوجها وجدت نفسها غير قادرة على العمل، ولم تستطع الخروج من حالة الحزن التي شعرت بها لرحيله.

وتابعت ميمي: "مكنتش قادرة اشتغل، قعدت 5 أو 6 سنين في البيت، وبيجيلي أعمال وأرفضها.. في ناس بتقدر تقوم من حزنها وتكمل بس أنا وقتها مقدرتش.. ده إحنا فضلنا عايشين مع بعض عمر بحاله، قعدنا حاجة وأربعين سنة مع بعض.. ومكنش في غيره في حياتي ومتجوزتش غيره".

وواصلت ميمي جمال: "وبعد العمر ده فجأة يبعد عني وميبقاش موجود معايا.. كانت فترة صعبة.. بعدها قلت مش عايزة اشتغل أنا عندي بنتين وأنا معاهم لحد ما افوق.  بس الفوقان ده اتأخر شوية، جه بعد 5 سنين من وفاته، لأن لقيت بناتي اتجوزوا وخلفوا وانا قاعدة لوحدي في البيت.. فرجعت للتمثيل".

قد يهمك أيضــــــــــــــــًا :

ميمي جمال تكشف تفاصيل دخولها التمثيل

ميمي جمال تتحدث عن طفولتها وقصة حبها لحسن مصطفى