وفاة مدير أعمال الفنان المصري محمد عز

أعلن الفنان محمد عز عن وفاة مدير أعماله مينا نور. وبكلمات مؤثرة نعى مدير أعماله مينا عبر حسابه على Instagarm” كاتباً :”اول ما اشتغل معايا قولتله انا اجرى ضعيف معييش فلوس اديهالك، قالي انا بحبك وعاوز اشتغل معاك وانا معاك علي الحلوة والمره، وكان قد كلمته في الحلوة والمره في ضهرى وفي كتفى لو نجحت يطير من الفرحه ولو وقعت او الأيام ضيقتها علينا كان اول واحد يقومنى علي حيلي، قسمنا الرغيف والسيجاره والفلوس .

اما كانت تزنق معايا كان يروح يستلف ويدينى ويقولي لازم يبقي شكلك كويس قدام الناس. كان بيتقطع لو حد كل حقي وكان ممكن يعمل المستحيل عشان حقي يرجعلي، اقسم بالله كان يطلع اللقمه من بقه ويديهالي، كان مآمن فيا ومصدق انى هنجح وكان دايما يقولي انا هبقي مدير أعمال اهم ممثل في مصر وكنت بضحك واقوله مش قوى يا عم كان يقولي هتشوف، مكنتش بفكر في حاجه ولا يشغلنى شئ طول ما هو موجود جنبي، الف رحمه ونور عليك يا حبيبي واخويا وصاحبى، ومتقلقش اللي حلمنا بيه هعمله عشان خاطرك انت بس والله . انت اكتر انسان حبيته يا مينا، ارجوكم ادعوله، ادعوله كان جدع وراجل مع كل الناس”.

ويذكر انه جسد دور واحد من جنود ملحمة البرث في مسلسل “الاختيار “،كما طرح أغنية منفرده “سنين بضيع” كلمات رمضان أبو زيد،ألحان وتوزيع محمد القماح.

وقد يهمك أيضًا:

محمد عز برفقة محمد رجب في كواليس "الأخ الكبير"

محمد عز يُعرب عن سعادته بحضور النجوم لمشاهدة "استدعاء ولي عمرو"