توقيت القاهرة المحلي 09:14:06 آخر تحديث
  مصر اليوم -

بعدما راج الخبر على مواقع التواصل الاجتماعي خلال الآونة الأخيرة

رضوى الشربيني تنفي نبأ زواجها من سمير يوسف وتؤكّد أن الأمر عارٍ تمامًا عن الصحة

  مصر اليوم -

  مصر اليوم - رضوى الشربيني تنفي نبأ زواجها من سمير يوسف وتؤكّد أن الأمر عارٍ تمامًا عن الصحة

الإعلامية رضوى الشربيني
القاهرة - مصر اليوم

حسمت الإعلامية المصرية رضوى الشربيني، ما راج خلال الساعات الماضية من أنباء بشأن زواجها في السرّ من زوج مواطنتها الإعلامية الكبيرة منى الشاذلي، وهو سمير يوسف، الرئيس التنفيذي لمجموعة قنوات CBC، مؤكدة أن هذا الأمر عارٍ تمامًا عن الصحة. وقالت رضوى الشربيني، في مقطع فيديو بثّته عبر صفحتها الرسمية في موقع "فيسبوك": "الحقيقة إن أنا داخلة في السنة الخامسة من برنامج (هي وبس) وبيطلع عليا إشاعات كتير مرة اتجوزت 13 و14 مرة، ومرة من فلان وعلان، وبقالي 5 سنين بسمع كلام مش محترم ومش مظبوط وكل أسبوع أو كل شهر بيطلع عليّا إشاعات". وأضافت الإعلامية المصرية قائلة: "وكل الحاجات اللي مريت بيها ساكتة خالص مهما حصل، ومكنتش بتكلم لأن ربنا موجود وهيبين الحقائق، واللي عايز يحبني أو يعرف عني حاجة كويسة هو حُر، لكن النهارده طلعت من حلقة يوم السبت لقيت إشاعة غريبة".

وعقبّت رضوى الشربيني بالقول: "لقيت إشاعة غريبة جدًا ولإنها ما تخصنيش أنا لوحدي طالعة أتكلم، وده للمرة الثانية، وفي المرة الأولي طلع عليا إني مرتبطة بمواطن مغربي اسمًا وقولًا، واتقال إني هتجوزه ودلوقتي لسه طالعة من الاستوديو بنفس المكياج طلعت إشاعة غريبة، مش عارفة اتقال ليه، أو يمكن عارفة اتقال ليه في التوقيت ده بالذات". وشددّت الشربيني: "بقول للناس اللي بتحبني وما بتحبنيش أنا شخص مش مرتبط، ولما هرتبط كل الناس هتعرف، علشان أنا مش الست اللي بتعمل حاجة في الدرا ومش الست اللي بتعمل حاجة في الخفا، أنا بجحة كفاية أوي إن أي حاجة اعملها أطلع أقول إني بعملها، لأن الجواز مش عيب وبقول كده في برنامجي على طول اتجوزوا بس اختاروا صح".

واستطردت رضوى: "أنا واحدة مش مرتبطة يا جماعة، اتنين لما يبقى في شخص أو مواطن مش محترم يطلع عليا إشاعة مش محترمة، لو إنت ما بتحبنيش طلع إشاعة بس ما تضرش عيلة ملهاش أي ذنب، ما تضرش راجل محترم أو ست محترمة ملهمش أي ذنب غير إن الناس دي إخواتي فعلًا". وتابعت رضوى الشربيني: "في ست تقبل إنها تتجوز راجل متجوز هي حرة، لكن أنا ما أقبلش ومش عايزة، فبقول للأستاذ فلان الفلاني دي جات فاول منك OUT لأن كل الناس تعرف مين هي رضوى الشربيني اللي بتقول لكل واحدة ست حرام عليكي تكسري قلب ست متجوزة".

واستأنفت قائلة: "أنا رديت النهارده علشان الإشاعة المرة دي ما تخصنيش لوحدي، لكن تخص عيلتي التانية، وناس ليها أفضال عليا من ساسي لراسي، وطلعت أديلهم حقهم، وأقولهم حقكوا عليا أنا، وأنا بعتذر لهم حقيقي بالنيابة عن هذا الشخص الغير محترم وحقكوا على راسي". وأكدت رضوى: "أنا ست مش مرتبطة، بربي بناتي وبشوف شغلي وبشوف مشاكل الستات، واللي بنقدر نحله بنحله، واللي مش بنقدر عليه بندعي ربنا إنه يحله، ولما ارتبط مش مصر هتعرف الوطن العربي كله هيعرف، ومش هتكلم تاني أكتر من كده علشان ما اديش الحاجة أكبر من حجمها".

وبشأن ردها على تلك الشائعة قالت رضوى الشربيني: "طلعت رديت لإن رد الحق للناس المحترمة واجب، ولأنى لقيت وأنا جاية في العربية بعض التعليقات اللى زي ما يكون الناس كانت مستنية أو ما بتصدق، أو أنا مش عارفة.. ليه لما يتقال عليها الناس اللي بيطلق عليهم مشاهير حاجة حلوة مش بتتصدق، ولما بيتقال حاجة مش كويسة، بتتصدق وتجري كده".

ونوّهت: "ربنا يهدي الجميع، ويهدي الشخص اللي فكر يكتب الكلمتين دول، بردو أنا مسامحاك لأني عارفة إنت عامل كده ليه، وواخد من مين علشان تكتب كده وحياة ربنا، وربنا ما تصدقوش كل حاجة بتتقال، ما تصدقوش كل إشاعة، ما تصدقوش كل كلمتين، علشان احنا بني آدمين وعندنا أهل وعيال بيضايقوا علينا وسمعة، إحنا يقال علينا مشاهير، بس بنزعل وعندنا ناس بتزعل عليها". واختتمت بالقول: "ربنا يهدي الجميع، دول كلمتين طلعت أقولهم في حق ناس جزمتهم على راسى.. لو رضوي الشربيني بتحب هتقول وهاخد رأيكوا زي ما خدتوا رأيي، زي ما بعمل من 4 أو 5 سنين".

وكان قد نشر أحد الصحفيين في مصر، عبر حسابه في فيسبوك، قائلًا: "أنا سعيد جداً والله بالأخت المذيعة اللي كانت بتطلع عالهوا تنصح البنات انها تخرب بيوتها بإيدها وإنها ماتقبلش تبقى زوجة تانية وما تقبلش بمش عارف إيه، وكان كتير من الستات والبنات اللي لا ليهم هوية ولا شخصية ماشيين وراها وبيشيروا كلامها".وتابع قائلًا: "سعيد باللي هيحصل لها لما الناس تعرف إنها هتبقى زوجة تانية قريب وإنها خربت بيت زميلتها الإعلامية الشهيرة وخدت جوزها اللي بقالها ٢٠ سنة متجوزاه ومخلفة منه ٣ عيال.. #بلوق_بلوق"

قد يهمك أيضــــــــــــــــًا :

رضوى الشربيني توجه رسالة لجمهورها

رضوى الشربيني تثير إعجاب جمهورها بصور جديدة

egypttoday
egypttoday

الإسم *

البريد الألكتروني *

عنوان التعليق *

تعليق *

: Characters Left

إلزامي *

شروط الاستخدام

شروط النشر: عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

اُوافق على شروط الأستخدام

Security Code*

 

رضوى الشربيني تنفي نبأ زواجها من سمير يوسف وتؤكّد أن الأمر عارٍ تمامًا عن الصحة رضوى الشربيني تنفي نبأ زواجها من سمير يوسف وتؤكّد أن الأمر عارٍ تمامًا عن الصحة



GMT 05:54 2021 الإثنين ,25 كانون الثاني / يناير

يوتيوبر كوري يروي مغامراته بـ "الجلابية" في صعيد مصر

GMT 03:01 2021 الأحد ,24 كانون الثاني / يناير

وفاة مقدم البرامج الحوارية الشهير الأميركي لاري كينغ

GMT 04:24 2021 السبت ,23 كانون الثاني / يناير

"تغريدة غريبة" لمايك بومبيو تثير المزيد من التكهنات

GMT 04:34 2021 الجمعة ,22 كانون الثاني / يناير

مصادر تكشف عن قرب تعاقد منى عراقي مع قناة "الشمس"

GMT 04:33 2021 الخميس ,21 كانون الثاني / يناير

"هرولة" جو بايدن تفتح صفحة جديدة مع الإعلام

أحدث إطلالات هيفاء الشبابية بموضة المعطف الأصفر

بيروت - مصر اليوم

GMT 05:44 2021 الإثنين ,25 كانون الثاني / يناير

سريلانكا تعيد فتح حدودها أمام السياح بشروط
  مصر اليوم - سريلانكا تعيد فتح حدودها أمام السياح بشروط

GMT 05:59 2021 الإثنين ,25 كانون الثاني / يناير

تعرف على أبرز ديكورات غرف المعيشة العصرية والمميزة
  مصر اليوم - تعرف على أبرز ديكورات غرف المعيشة العصرية والمميزة

GMT 06:17 2021 الإثنين ,25 كانون الثاني / يناير

بايدن يستبق 26 كانون الثاني ويلغي قرار ترامب بشأن "كورونا"
  مصر اليوم - بايدن يستبق 26 كانون الثاني ويلغي قرار ترامب بشأن كورونا

GMT 05:54 2021 الإثنين ,25 كانون الثاني / يناير

يوتيوبر كوري يروي مغامراته بـ "الجلابية" في صعيد مصر
  مصر اليوم - يوتيوبر كوري يروي مغامراته بـ الجلابية في صعيد مصر

GMT 03:27 2021 الأحد ,24 كانون الثاني / يناير

قلعة أسكتلندية متاحة لتبادل السكن لقضاء عطلة ملكية
  مصر اليوم - قلعة أسكتلندية متاحة لتبادل السكن لقضاء عطلة ملكية

GMT 05:46 2021 الإثنين ,25 كانون الثاني / يناير

تعرف على الألوان المناسبة لديكورات غرفة النوم
  مصر اليوم - تعرف على  الألوان المناسبة لديكورات غرفة النوم

GMT 02:38 2021 الأحد ,24 كانون الثاني / يناير

مستشار الأمن القومي العراقي يُدافع عن قرارات الكاظمي
  مصر اليوم - مستشار الأمن القومي العراقي يُدافع عن قرارات الكاظمي

GMT 03:01 2021 الأحد ,24 كانون الثاني / يناير

وفاة مقدم البرامج الحوارية الشهير الأميركي لاري كينغ
  مصر اليوم - وفاة مقدم البرامج الحوارية الشهير الأميركي لاري كينغ

GMT 22:24 2021 السبت ,23 كانون الثاني / يناير

"الموسيقيين" تقاضي أحمد الفيشاوي بعد تعاونه مع حمو بيكا

GMT 20:58 2021 الجمعة ,22 كانون الثاني / يناير

وزارة الصحة تعلن بيان كورونا في مصر

GMT 18:54 2021 الأربعاء ,20 كانون الثاني / يناير

عمرو دياب يرفض الرد على اتهامات دينا الشربيني

GMT 03:58 2020 الأربعاء ,18 تشرين الثاني / نوفمبر

ياسمين الخطيب ثير الجدل بشأن زواج المسلمة من غير المسلم

GMT 00:49 2020 الجمعة ,17 تموز / يوليو

موديلات أحذية رجالية لصيف 2020

GMT 02:48 2017 السبت ,09 كانون الأول / ديسمبر

ريهام عبدالغفور تنتهي من تصوير مشاهدها في "سوق الجمعة"

GMT 05:09 2020 الإثنين ,12 تشرين الأول / أكتوبر

مجموعة مايكروسوفت المكتبية هدفًا ثمينًا للهاكرز

GMT 04:19 2019 الثلاثاء ,15 كانون الثاني / يناير

الميهي تكشف تفاصيل "ما بين الطبيعة والخيال"

GMT 04:41 2020 الإثنين ,12 تشرين الأول / أكتوبر

"أوبل" تستعد لإطلاق "فيزور" الاقتصادية بقوة120 حصانًا

GMT 10:12 2020 الأربعاء ,02 أيلول / سبتمبر

العملاق "سامسونغ" تطرح رسميًا أعجوبتها الجديدة

GMT 02:47 2020 الخميس ,04 حزيران / يونيو

إليك معلومات مهمة عن تنظيف محرك السيارة

GMT 20:33 2019 الخميس ,28 تشرين الثاني / نوفمبر

أنيس بوجلبان يزور بعثة النادي الأهلي المصري في تونس
 
Egypt-today

Maintained and developed by Egypt Today for Media production
جميع الحقوق محفوظة لمجموعة العرب اليوم الاعلامية 2020 ©

Maintained and developed by Egypt Today for Media production
جميع الحقوق محفوظة لمجموعة العرب اليوم الاعلامية 2020 ©

egypttoday egypttoday egypttoday egypttoday
Egypttoday Egypttoday Egypttoday
Egypttoday
بناية النخيل - رأس النبع _ خلف السفارة الفرنسية _بيروت - لبنان
Egypt, Lebanan, Lebanon