أحمد سعد يتحدث عن دور الطبيب النفسي في حياته وسبب رفضه دخول بناته الفن

كشف الفنان أحمد سعد خلال الجزء الثاني من لقائه ببرنامج "معكم"، الذي تقدمه الإعلامية منى الشاذلي، على قناة ONE، عن تفاصيل حياته الشخصية، وتجربته مع العلاج النفسي، مؤكدا أنه كان يبحث عن ذاته الحقيقية وسط الضغوط الاجتماعية والبحث عن القبول، إضافة الى أبرز التحولات التي عاشها على المستوى النفسي والروحي، مؤكدًا أن رحلته لم تكن سهلة، لكنها شكلته وعلمته الكثير، كما تحدث عن أسباب رفضه دخول بناته الوسط الفني لتفاجئه منى الشاذلي بابنته جودي وهي تغني.

بدأ سعد حديثه، قائلًا: على المستوى الشخصي، كنت حابب جدًا أروح لطبيب نفسي، عشان أكتشف شخصيتي، كنت مش مستمتع رغم إن عندي كل العوامل اللي المفروض تخليني سعيد، لكن كنت تايه ومش لاقي نفسي".

وأضاف: "مكنتش عارف أنا الشخص المتدين، ولا اللي مش متدين، دي طريقتي في اللبس ولا لأ؟.. كانت عندي تساؤلات كتير محتاجة إجابة، وكنت بعيش بشخصية مش بتاعتي عشان أرضي الناس".

وكشف عن أنه من خلال العلاج النفسي، اكتشف واحدًا من أكبر عيوبه: "كنت دايما بحاول أرضي الناس على حساب نفسي، وده خلاني أفقد الاتصال بشخصيتي الحقيقية.. وكنت فاكر إن ده اللي هيخليني محبوب، لكنه خلاني تايه أكتر".

تابع: "بسبب شغلي كان عندي حاجة اسمها حب الظهور.. كنت دايمًا بحب أكون في الصدارة، أهزر جامد وأكون الجوكر في أي قعدة، لكن ده دخلني في أزمة حقيقية، وخلاني مش قادر أشوف الحاجات الحلوة اللي عندي".

أحمد سعد: حبي للفن سبّب لي أزمات مع أهلي

واستكمل سعد: "كان في خلاف بيني وبين أهلي بسبب حبي للفن، وكنت وقتها عندي 14 سنة، واخترت إني أروح أغني في الأفراح وهربت من البيت، وكنت بخاف أتعب أو أفقد الوعي لأن محدش هيعرف أنا فين أو مالي.

وأضاف: "بقولها بوضوح مبنصحش حد يعمل كده أبدا، ولو الزمن رجع بيا مكنتش سبت البيت، والمتعة مش في النجاح ولا في الناس، المتعة الحقيقية إنك تكون ذاتك، تكون شخص مش مصطنع، وتعيش بصدق مع نفسك".

واستكمل: "أكتر حاجة ببحث عنها دلوقتي هي إني أقرب من ربنا.. مش عايز أي حاجة تانية، لا شهرة ولا نجاح. كل اللي بدور عليه هو السلام النفسي"، مؤكدًا أن كثرة الانشغالات والمسؤوليات أحيانًا تبعد الإنسان عن نفسه، وأن القرب من الله والصدق مع الذات هما مفتاح الراحة الحقيقية.

وروى أحمد سعد موقفًا طريفًا من طفولته في حي شبرا، كان بداية لمعرفته بالمجتمع والعمل، حيث قال: كنت رايح أجيب عيش لأمي، وجارتنا طلبت مني أجيب لها كمان، وادتني شلن. تاني يوم قلت بصوت عالي وأنا نازل: حد عايز حاجة؟.

وأكمل مازحًا: "بقيت شبه أبلكيشن طلبات في المنطقة. كنت بجيب حاجات من الفرن والبقال، واشتغلت نقاش، وشغلانات تانية كتير".

وأوضح سعد أن هذه التجارب الصعبة جعلته أكثر وعيًا بنفسه وبما يريده من الحياة، قائلًا: الشهرة والنجاح مهمين، بس التوازن النفسي والروحي هو الأهم.. التجارب علمتني إني أسمع نفسي، وأدور على اللي يرضي ربنا ويرضيني من جوا".

دخول مفاجئ لابنة أحمد سعد وتكشف عن هوايتها

وكشف سعد عن سبب رفضه دخول بناته مجال الفن، مؤكدًا أن الوسط الفني مهنة شاقة تستنزف الطاقات وتشغل بال الفنان بالمنافسة المستمرة.

لتفاجئه منى الشاذلي بدخول ابنته جودي استوديو البرنامج في ظهورها الإعلامي الأول، لتقدم وصلة غنائية بمشاركة والدها الذي حرص على احتضانها ودعمها.

   قد يهمك أيضــــــــــــــــًا :

أحمد سعد يفاجئ الجمهور بظهور خاص مع ابنته ويغني إلى جانبها

أحمد سعد يشوّق جمهوره لحفله بلندن ويكشف سراً عن غنائه باللغة الإنجليزية