القاهرة - أكرم علي
أكد الرئيس المصري عبد الفتاح السيسي أن بلاده في موقف صعب منذ أعوام طويلة، مشددًا على ضرورة ألا نستعين بأي شكل من أشكال الاحتجاج قائلاً : "صوتك مسموع.. المسؤول مش هيعمل ليه".وأضاف الرئيس، خلال لقاءه مجموعة من الشباب في ملتقى مؤتمر شرم الشيخ "الدولة تتحمل سنويًا عما كان قبل كده 150 مليار جنيه زيادة في عجز الموازنة، بييجوا سلف واقتراض إجمالهم في الـ5 أعوام اللي فاتوا 900 مليار جنيه، أنا بتكلم عن القطاع الحكومي فقط"حسب قوله.
وتابع السيسي "زي ما الثورة فرحتك بيها وجابت مكاسب، جابت تحديات كتير.. أنا بقول للمصريين ع الهوا دلوقتي.. قولوا لي أعمل ايه؟!".وأكد السيسي أن أحد أهم أسباب ارتفاع الأسعار أن القدرة الشرائية أكثر من الضعف، مضيفًا:"أنا بطلب حاجة واحدة:..من فضلكم بلاش مطالبكم تاخد الشكل الاحتجاجي اللي بيضرنا. أنا مش بخوفكم أنا بس بنبه نفسي وبنبهكم..محدش هيعمل لكم حاجة بس أنا بقول لكم خافوا على مصر".
وأكد الرئيس عبد الفتاح السيسي أنه سلك نهج المصارحة والمكاشفة مع المصريين منذ توليه السلطة، قائلاً "هذه تجربتي أن أصارح وأكشف أكثر وهذا تقديري وإن أصبت أو أخطأت ممكن نتكلم".وأضاف الرئيس السيسي أنه لا يوجد ما نخفيه حيال المقبوض عليهم، نعمل على حماية الدولة المصرية، "لو اعتبرتوني نظام دي مشكلة كبيرة .. إحنا انتهينا من الكلام ده.. اليوم هناك تداول على السلطة وأنا فى نهاية المدة خلاص مقدرش أقعد يوم زيادة.. هي الحكاية كدا ولازم نقبلها كدا وأنا راضي بكدا.. التداول على السلطة".
وناشد المصريين الانتباه لكل ما يقومون به فى المشهد المصري، قائلاً :"محدش يلخبط المشهد وبعدين يقولي والله مكنتش عارف كدا اتصرف إنت خلي بالك معايا".وتساءل الرئيس: "هل ترون كدولة أي محاولات لحجب تيارات أو حد بعينه؟، هل نصطدم بأي حزب مهما كان توجهه؟ ..إذا كنت أنا أمين عليها يهمني إيه..يهمني إن كل إنسان أمين ومخلص وشريف يكون معايا..وأتصور إن التجربة تقول أنني كنت أمينًا على مصر وليس على نفسي فقط".
أرسل تعليقك