تامر حسني يَنشر أول صور من كواليس فيلم "بحبك" مع هنا الزاهد

بدأ النجم  تامر حسني تصوير أولى مشاهد فيلمه الجديد «بحبك».ونشر تامر عبر حسابه الرسمي بموقع التواصل الإجتماعي «فيسبوك»، بعض الصور برفقة النجمة هنا الزاهد من كواليس تصوير بعض مشاهد الفيلم.وعلق تامر حسني عل الصور، قائلا: «مساء الهنا على اغلى ناس على قلبي انا ، دي صور من أول يومين تصوير لفيلمنا الجديد (بحبك) طبعاً في ناس هتقرا اسم الفيلم بحبِك و ناس هتقراه بحبَك دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل  للأنثى و بحبَك من الأنثى للرجل  في احداث فعلاً محيره جداً»،

وتابع تامر:«الفيلم اكيد فيه ضحك بس في إطار رومانسي بحت مش موجود بقاله كتير اتشرفت بمشاركة نجمة اليوم و المستقبل الجميله هنا الزاهد و مبسوط اني اول من اكتشفها في بداية حياتها و في الفيلم دا بكتشفها تاني و بقدمها بشكل جديد عليها و عليكم  ومبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميله و للأسف لسه مصورش علشان انزل صوره بس في اول يوم تصوير له ههريه صور»واستكمل ، قائلا: «انتظروا بعد ايام انضمام نجمه جميله مميزه من نجوم المستقبل اللي هيكون ليها مستقبل كبير ان شاء الله، و فرحان جداً بإنضمام الفنان الموهوب اوي مدحت إسماعيل اللي عامل دور زي العسل و ربنا يكتبله فيه كل النجاح و يكرمه و يكرمنا معاه»،

واختتم تامر حسني قائلا: «الفيلم من انتاج حبايب قلبي و اصدقاء العمر سينرچي احمد بدوي،  تي ايتش برودكشن حسام حسني، سكاي ليميت أحمد الدسوقي».جدير بالذكر، كانت انتشرت منذ أيام شائعة تفيد دخول تامر حسني في غيبوبة أثر تعرضه لحادث مروري كبير، ولكن جاءت الاخبار بالنفسي، ونفى احمد دسوقي تلك الشائعة بنشره لصوره تجمعه بالفنان تامر حسني من داخل كواليس فيلم «بحبك»

قد يــــــــــــــهمك أيــــــضًأ :

تامر حسني يكشف سر ماجد المصري في مشهد من فيلم "البدلة"

جليلة المغربية تثير الجدل وتبين أن تامر حسني ضحك عليَّ