مستشار نقابة المهن التمثيلية يؤكد ما تفعله منى فاروق يعرضها للحبس

قال شعبان سعيد، المستشار القانوني لنقابة المهن التمثيلية، إن منى فاروق، ليست عضوا في النقابة، مؤكدا أن ما تثيره على مواقع التواصل الاجتماعي، هو جريمة، وإن كان لا يجرمها القانون  المصري، فإن المجتمع والدين يرفضه.

وأكد "سعيد"، أن هناك بعض التشريعات في الدول العربية، تجرم ما فعلته منى فاروق، وما قامت ببثه من خلال تسجيل فيديو تهدد فيه بالانتحار، مضيفا أنه لو ثبت أن هذا حدث بدولة الإمارات العربية، فيجوز القبض عليها ومحاكمتها، وفقا لقانون هذا البلد.

وأضاف المستشار القانوني، فى تصريحاته الخاصة لـ "الوطن"، "وجهة نظري أن النسيان من شيم الإنسان، وإن تناست هذا الأمر وتوقفت عن ذكر واقعتها، فمع الوقت سينسى الناس الواقعة ويتذكرون أعمالها الجديدة".

كانت منى فاروق، قد أبدت حزنها بسبب المعاملة التي تتلقاها بعد أزمتها الأخيرة، حيث ظهرت في فيديو جديد تتحدث فيه عن أزمتها النفسية وتبكي.

وقالت "فاروق" باكية: "كفاية إني أعمل نفسي مش واخدة بالي طول الوقت وعمالة أتعامل على إنه عادي وهو مش عادي، وأنا تعبت من حاجات كتير قوي ومخنوقة قوي وأنا بتعامل طول الوقت مع الناس إن أنا منبوذة".

وذكرت "فاروق"، فترة سجنها قائلة: "من شهر 2 لشهر 6 أنا برة الدنيا وميتة وعايشة ميتة، وكنت كل لما أنزل ويكون فيه فرصة إن أخرج من الأزمة أقول يا رب كفاية، ويوم ما قالوا لي إني أخدت إخلاء سبيل، أنا وقعت من طولي مش مصدقة بجد، والنبي يا رب يكون الناس مبيضحكوش عليا وأخويا وأمي يشهدوا على ده".

وأضافت: "أنا عايزة أعيش بسلام ومش عايزة حاجة وأنا أضعف بكتير من اللي حصل لي، ومحدش مديني فرصة أعيش ولا أرجع شتغل الشغل اللي كنت بشتغله، أنا غلطت وكلنا بنغلط وأنا كنت صغيرة قوي وانتوا بتتكلموا في حاجة من سنين ليه طلعت دلوقتي، أنا معرفش، وأنا مش زعلانة، أنا بحمد ربنا إن كل ده حصلي وأنا صغيرة وإني أقولكم إن أنا غلطت".

وتابعت: "كل الناس بتضايقني وأنا بخاف في مصر أمشي في الشارع حد يضايقني ومحدش عايش الحياة اللي أنا عشتها، ومحدش يحكم عليا ويقول دي مش كويسة عشان عملت كذا، لأنك ماتعرفش ظروف البني آدمين زي ما أنا معرفش ظروفك وظروف كل واحد".

واستطردت: "مكنتش أتمنى خالص إن الناس تقول عليا الكلام ده وأنا كنت جوة الحبس كنت صعبانة عليهم".

وقالت منى فاورق: "ولا حد بيفكر يقولي معلش متزعليش انتي اتظلمتي ربنا هيكرمك دي كلبة إزاي تعمل كده"، متسائلة: "محدش بيغلط فيكوا وكلكوا ملايكة؟" مستطردة: "طب تعالوا ارموني بحجر ومن كان منكم بلا خطيئة فليرجمني بحجر".

وتابعت: "مين فيكم كويس وكلنا فاسدون لا أستثني أحدا، ومحدش فينا مغلطش وأنا غلطتي كبيرة قوي على المجتمع".

ووجهت "فاروق"، رسالة للشعب المصري قائلة: "أنا آسفة للشعب المصري ودي رسالة للشعب المصري، وآسفة إن أنا جرحتكم إنكم شفتم حاجة زي كده بس أنا ماليش ذنب فيها وأنا مطلعتهاش، وإن أنا خدشت الحياء كده مع إن أنا ماليش ذنب فيها ولما قالوا لي تعالي نتكلم معاكي، حاضر، وأنا رايحة برجلي عشان أتكلم وأقول، ومحدش أخدني ولازم تبقوا فاهمين ده كويس وأخدوني من الدار للنار يوم 6-2".

قد يهمك أيضًا:

فيديو جديد لـ منى فاروق يثير الجدل على السوشيال ميديا

الفنانة منى فاروق تتعرض لأزمة صحية