بعد انتهاء مسلسل "ليه لأ" عمر السعيد يوجه الشكر لفريق العمل

وجه الفنان عمر السعيد، رسالة حب وشكر لصناع عمل مسلسل "ليه لأ" من خلال نشر مجموعة صور من الكواليس معهما، على حسابه الشخصي، عبر موقع تبادل الصور والفيديوهات "إنستجرام". وعلق عمر، على الصور قائلًا:"المريمتان ابو عوف ونعومالاستاذة مريم ابو عوف مريومة مخرجة مهمة جدا فى السنين الجاية... عندها حس ومشاعر قليلون من يملكونها فى هذا المجال وان كان اهم ما يميز المخرج تفاصيله وشغله وحسه وروحه او نفسه بالبلدى كدا".

وأضاف:"عايز اعبرلك عن امتنانى وشكرى مش بس عشان اختارتينى لدور مختلف اول مرة اقدمه لا عشان اصراصرك طول الوقت واهتمامك بالتمثيل حتى لو عدنا كتير المهم جودة المشهد بكل تفاصيله وعلى رائسها العنصر الاهم وهو الممثل البيحول كلام مكتوب لبنى ادمين بمشاعر واحاسيس وطاقة وحاجات تانية كتير".

وتابع:"انا اشتغلت معاكى فى امبراطورية مين ٢٠١٤ وبعدين اغنية العالم كله ٣ دقات فى ٢٠١٧ واخيرا ليه لا؟! ٢٠٢٠ انا خدت بالى بنشتغل كل ٣ سنين!! لا ٢٠٢١ وانجز..تستاهلى كل خير على مستوى الشخصى والفنى وفرحان بيكى كسبنا مخرجة مهمة اوى عندها نفس مش قص ولزق!".

وأشار:"لاستاذة مريم نعوم عايز اشكرك على روحك واختلافك انتى وورشة سرد لكل عمل بتقدموه بيبقى مختلف وبجودة احلى واحلى... مريم يا وش السعد مفيش عمل انا عملته معاكى منجحش من اول فيلم ليا واول مرة امثل فى واحد صفر واول مسلسل ليا ذات والسنة الفاتت زى الشمس والسنة دى ليه لا؟! قصصك بتلمس الناس، شخصياتك بتحاكى واقعهم وحوارك هو الدارج المتقن الطبيعى بين البشر...اشكريلى سرد ودينا نجم وكل واحد ساهم معانا".

وأختتم:"و شكرا لشركة مهمة انا اول مرة اشتغل معاهم استاذ عبد الله ابو الفتوح وسوكا وحبيب قلبى من جوا الاستاذ محمد السيد ورعد وكل الطلعوا ليه لا؟!المخرجة الاستاذة نادين خان بحبك واتبسط اوى اوى اوى فى مشاهد العملناها سوا مودى شاهين انت هتبقى مخرج مهم! افتكر كلامى..مهم اوى".

قد يهمك أيضــــــــــــــــًا :

أمينة خليل تؤكّد حماسها لاقتراب عرض مسلسلها الجديد "ليه لأ"

طرح المسلسل الجديد "ليه لأ" لـ أمينة خليل خلال أيام