إيمان رياض تعلق على إحدى حلقات مسلسل "نصيبي وقسمتك"

علقت الإعلامية إيمان رياض، على مشهد من إحدى حلقات الجزء الثاني من مسلسل "نصيبي وقسمتك".

وكتبت عبر حسابها الشخصي بموقع تبادل الصور والفيديوهات الشهير"إنستغرام"، قائلة: "في مشهد من مسلسل نصيبي وقسمتك حكاية نظرة فإبتسامة حبيته أوى واحب اعلق عليه بنت بتحكي عن نفسها أن عمر ما راجل لمسها وبتقول أنها كانت محجبة وخروجاتها عادية كافيهات وكدة وفي الوقت ده ما كانش راجل بيبصلها وكأنها هوا.. فقررت تقلع الحجاب وتلبس عريان وتسهر وتشرب علشان تلفت الانتباه.. وبالفعل الرجالة هتموت عليها لكن برضه عند الجواز بيخلعوا، فسألت حبيبها هو أنتم الرجالة عايزين ايه بالظبط" !!

وتابعت: بصراحة الحكاية دي ضحكتني ووجعتني في نفس الوقت.. وجعتني علشان في بنات كتير زيها كدة وصعبانين عليا علشان بعدوا عن الفكر الصحيح.. شوفي بقى طول ما أنتي بتفكري وبتخططي ازاي تجيبي راجل وتتجوزيه.. طول ما انتي هتوهي أكتر وهتبعدي عن نفسك ومش هتوصلي لحاجة.. كوني انتى اعرفي الطريق الصح وامشي فيه وبدل ما التارجت بتاعك راجل اللى عادى جدا ممكن يخزلك خلي التارجت بتاعك ربنا اللي عمره ما هيخزلك وهو رب العباد اللي قادر يسخرلك العباد ويراضيكي ووقتها هتحسي أن مش فارق معاكي الراجل اللي مش عاجبه احتشامك بل بالعكس انتي اللي ترفضي راجل كل همه يتمنظر بيكي ويتبسط".

وأختتمت قائلة: اعرفى ان الجواز هيجي لوحده لو نصيبك، واعرفي ان الجواز مش هدف ده وسيلة زى وساءل كتيرة ممكن تكون سبب فى الطريق المستقيم اللى اخرته جنة عرضها السموات والارض وممكن تكون سبب لعذاب فى الدنيا وفى الاخرة الخلاصة مفيش راجل يستاهل تبعدي عن ربنا علشانه ومفيش راجل ينفع تحبيه اكتر من ربنا".