تامر حسنى يطالب جمهوره بالابتعاد عن أصدقاء السوء

حرص  المطرب تامر حسني على ارسالة نصحية الي مشتركي صفحته الرسمية علي موقع فيسبوك من جمهوره ومعجبيه ، وذلك بعدما شهدت الفترة الأخيرة محاولات البعض في الاساءة لبعض الاموات من المشاهير.

وكتب حسني عبر فيسبوك " يا شباب ايه رأيكم في الناس اللي بتتريق وبتهزر وبتشمت في مصايب الناس أنا شايف بقى فيه ناس كتير بتفرح في ابتلاءات الناس وبَقى في لهجة غريبة عمرها ما كانت في ولادنا لهجة توصل بالاستهزاء حتى بمن توفاه الله وفجأه يعطون لنفسهم الحق في محاسبته حين سماع خبر وفاته والمضحك توقعاتهم له الآن وينسون أنفسهم".

وأضاف حسني " ليه بقى فيه ناس كتير مشغولين بهدم الآخرين بدلاً من بناء أنفسهم بقى فيه ناس بسهوله ممكن تتخلَّى عن أهلها وعن حب عمرهم وعن مبادئهم في لخبطة غريبة في مشاعر بعض الناس، كبرت اوي روح الشماتة وعدم الرحمة وسطنا حتى الصحاب بقى معظمهم يفكر بسوء نية في الآخر".

واختتم كلماته قائلا " انا عارف إن ورا كل ده حاجات كتير زي البعد عن ربنا والاستخدام الخاطئ للإنترنت ودخول أفكار غريبة ملوثة علينا و طبعا  سوء التربية واصحاب السوء انا واثق ان كل حد فيكم عارف الكلام ده كويس بس تفتكروا بقى إيه الحلول من وجهة نظر كل حد فيكم".