علقة ساخنة لفتاتين على يد جزار وأصدقائه في "مدينتي"

 تعرضت فتاتين في "مدينتي" للضرب المبرح على يد جزار وأصدقائه، بمجموعة 24 بارك 3.

وبدأت الواقعة، عندما التقطت الفتاتان، صورًا تذكارية لهما بالحديقة العامة بمجموعة 24 بارك 3، ثم اعترض الجزار على هذا الأمر، وسبهما بـ"الألفاظ الخارجة"، وعندم حاول فرد الأمن التدخل؛ لحماية الفتاتين، تعرض للضرب والإهانة.

وقالت إحدى سكان المدينة في منشور لها على غروب "اتحاد سكان مدينتي" بموقع التواصل الاجتماعي "فيس بوك": "صورة الباشا الجزار والله بيشتغل جزار، اتنين بنات فى سن الجامعة، بيتصوروا فى الجاردن، طلع ليهم الشيء اللى شوفتوه جزار فى مدينة نصر، معترضًا على وجودهما، وسبهما بألفاظ غير لائقة، ولما تدخل فرد الأمن لحماية البنات، تعرض للإهانة والضرب منه، ومن أصحاب الجزار اللى كانوا متواجدين معاه فى شقته غير اعتدائه على بنت منهم بضربها بالقلم وضرب الأخرى بالشلوت، ودقائق وتدخل مدير الأمن والأفراد وتم استدعاء الشرطة.. وحاليا جميع الأطراف فى القسم للتحقيق".

وقالت: "ياريت لو حد هنا ظابط، أو حتى محام يساعد البنات، وفرد الأمن، لوجه الله هما في قسم تجمع تاني"، متابعة: "تلاتة ضربوا فرد الأمن.. لو سمحتم ما بارك الله في قوم ضاع الحق بينهم، أي حد يقدر يعمل حاجة يعملها قانونا أو أي إجراء ولو إن مافي حاجة تعوض الرجل عن الذل والإهانة والمهانة، أتقوا الله في الناس". واختتمت قائلة: "من فضلكم نقف جنبه بأي طريقة، وإلا مافيش حد هيرضى يشتغل فى المدينة بعد كده.. أتمنى أن يجد فرد الأمن الغلبان اللي اتبهدل واتذل عشان أكل عيشه، حد يوقف جنبه"