امرأة تطلب خلع زوجها لانعدام رغبته في إقامة العلاقة الزوجية

بعد 3 أشهر من الزواج، أقامت «نور. ع» 26 عامًا، دعوى «خلع» حملت رقم 1587، ضد زوجها «محمد. ي» 33 عامًا موظف في بنك، لاستحالة العشرة بينهما.

وكانت الشابة العشرينية تضررت من زوجها بسبب انعدام رغبته في إقامة العلاقة الزوجية، فتروي «نور» لـ«هن»: «اتخطبنا من 5 شهور وتزوجنا على طول بعد ما اشترينا الفرش بتاع الشقة.. كان زواج تقليدي عن طريق واحدة صاحبتي هو كان أخوها واتجوزنا.. لكن من أول يوم مقربش لي وسافرنا في شهر العسل فكان بيقول إننا اتجوزنا بسرعة ومحتاجين ناخد على بعض ونتعود».

محاولات لإقامة علاقة سوية انتهت بالفشل متابعة: «بعد فترة حاولنا أكتر من مرة لكن مكنش بيكمل معايا واكتشفت إنه بيمارس العادة السرية في الحمام مبقتش فاهمة إيه السبب لكنه استمر كذا أسبوع على الوضع ده بجانب العصبية الشديدة وأي كلمة بقولها مش طايقني وبيتهمني إني عندي مشكلة وإني السبب لأني مش قادرة أثيره جنسيا مع إني الحمدلله جميلة وجسمي حلو».

موقف صعب تعرضت له الزوجة العشرينية كما قالت: «اتكسفت أحكي أي حاجة لأهلي في الأول لكني بعد حوالي شهر ونص كنت تعبت واضطريت أتكلم لأنهم لاحظوا إني متغيرة ومش زي عادتي ووقتها أبويا قال ميصحش تتكلمي معاه ولازم نشوف دكتور ولما قولتله كدا رفض بشدة وقال إن أهلي عاملينله عمل عشان مكانش عاجبهم ووقتها اتخانقت معاه جامد وروحت بيت والدي ومن وقتها مسألش فيّ فرفعت قضية خلع عشان أطلق منه لأني لسه عذراء»

قد يهمك أيضًا:

سيدة تطلب الخلع بعدما أجبرها زوجها على ترك المنزل

سيدة تطلب "الخلع" بعد مُشاهدة زوجها يُعاشر "صاحبه"