امرأة تقرّر خلع زوجها العجوز بعدما أثبتت خيانته لها

"جوزي عنده 85 سنة ومش محترم ومقضيها علاقات نسائية مع بنات أصغر منه"، هكذا بدأت "مروة. أ"، 86 عامًا، "اسم مستعار"، حديثها في دعوة الخلع التي تقدمت بها إلى مركز "شكاوى المرأة" في المركز القومي للمرأة.

وقالت الزوجة "شكك البعض في قوايا العقلية إزاي زوجي عنده 85 سنة وقادر على كده وإزاي أنا برفع عليه بعد العمر ده كله قضية خلع"، مضيفة "أنا ست عادية عايزة أعيش اللي باقي من عمري بعيد عن راجل كل يومين ثلاثة يخوني مع بنات قد أحفاده".

وظلت السيدة الثمانينية تطالب بالخلع في المحاكم لكن لا أحد يستجيب لشكواها , ومن ضمن الأقاويل التي كانت تسمعها كما ذكرت "استحملتي كل ده مش قادرة تستحملي اللي فاضل من عمرك وكأني علشان ست كبيرة لازم أستحمل الخيانة".

كانت حياتها في بداية زواجها وهى في عمر 18 عامًا طبيعية ولكن بعد زواج أبنائه وإنجاب أحفاده اختلف الوضع، وتقول "اتجوزنا وأنا عندي 18 سنة، وأنجبت 4 أبناء 2 فتيات و2 بنين وبعد ما كبرناهم واتجوزوا وبقينا أجداد راح خاني مع بنت عندها 20 سنة".

وقامت السيدة الثمانينية بعدد من المحاولات لكي تتمكن من تحسين الوضع مع زوجها الذي اختار خيانتها وهو في ذلك العمر وكان يتباهى بخيانته لها، متابعة "كان بيجي يقولي إنه بيخوني وكأنه متأكد إني علشان كبرت مش هعمل حاجة وهرضى بالأمر الواقع لكن أنا مرضتش وخلعته علشان أرتاح من التعب النفسي إللي عايشني فيه".

تمكنت السيدة من إثبات قواها العقلية وفق قولها "قدرت أثبت إني مش مجنونة ورفعت قضية خلع لما رفض يطلقني وكان بيقولي إنتي مجنونة عايزة تطلقي بعد العمر ده".

قد يهمك أيضاً :

سيدة تطلب الخلع بسبب رفض زوجها "الطلاق" رغم معرفته بحبها لشخص آخر

سيدة تطلب الخلع بعدما أجبرها زوجها على ترك المنزل