ثلاثينية تطلب الخلع من زوجها بسبب تعذيبها بالكهرباء

وقفت نورهان صاحبة الـ30 عامًا,أمام محكمة الأسرة تروي قصتها مع زوجها بعد قصة حب استمرت 3 سنوات "إحنا اتجوزنا عن حب وكانت كل حاجة كويسة أول سنتين بعد كده كل حاجة اتغيرت بقى عصبي جدًا بسبب تأخر الإنجاب, علشان حملت وسقطت أكتر من مرة".

وتابعت" بيتهمني في شرفي مع جوز أختي وكل خناقة بيني وبينه بيصعقني بالكهربا"، مضيفة "اتحوّل لواحد أنا معرفوش كل مشكلة بيني وبينه ينهال عليا بالضرب ووصل بي الوضع أنه بقى بيصعقني في الكهرباء".

وأصيبت الزوجة بكهرباء زائدة في المخ "حاولت أتغاضى عن عيوبه وعنفه وألفاظه الغريبة بس مقدرتش استحمل ضربه ليا باستمرار علشان أسمع الكلام مع إني مش بعمل حاجة ولا بطلب حاجة زيادة غير إني أشوف أهلي".

و ويبدو أن زيادة العلاقة سوءً كل يوم وانعدام التواصل مع زوجها، كلها علامات أنذرت بضرورة انتهاء العلاقة بينهما ولكن حبها لزوجها جعلها تحاول الاستمرار، متابعة: "الحاجة الوحيدة اللي كانت مخلياني أكمل معاه إني بحبه بس بعد آخر مشكلة ضربني بالحزام سابت علامات في كل جسمي ده غير إنه شك فيا إني في علاقة مع جوز أختي علشان بروحلهم كتير".

قد يهمك أيضاً :

سيدة تطلب الخلع بسبب إصرار زوجها على معاشرتها رغم مرضها الخطير

"عصير ليمون" يُشعل حرب زوجية تنتهي بـ"الخُلع"