وزير التعليم المصري يؤكد مد فترة تعليق الدراسة هو الاحتمال الأكبر في الوقت الحالي

قال الدكتور طارق شوقي، وزير التربية والتعليم، إن القرارات التي اتخذها اليوم بشأن استبدال امتحانات سنوات النقل لطلاب 3 ابتدائي وحتى 2 إعدادي بمشروع بحث، هو يُناسب المرحلة التي تمر بها الدولة، مضيفًا: "إحنا بنشتغل على الوضع الراهن واللي إحنا فيه، إحنا دلوقتي في السيناريو الثاني في التعامل مع فيروس كورونا المستجد".

ورد "شوقي"، خلال مداخلة هاتفية في برنامج "يحدث في مصر"، مع الإعلامي شريف عامر، على شاشة "MBC مصر"، على سؤال الإعلامي حول "هل هناك إمكانية لتأجيل الدراسة أو مد التعليق أكثر من الأسبوعين الذي حددهم الرئيس عبد الفتاح السيسي"، قال: "صعب نحكم، أنا مقدرش أقول تعليق الدراسة هيمتد ولا لأ".

وتابع: "بس لو بصينا حوالينا في العالم كله هنلاقي الاحتمال الأكبر هو ده طبعا مد التعليق حرصًا على الولاد، الأسبوعين بتوع تعليق الدراسة فات منهم أسبوع وفاضل أسبوع واحد، إحنا نحرص إن ولادنا يخلصوا السنة في ميعادها أو قبل ميعادها وتتعلم بشكل ممتع في ظل الظروف اللي بنمر بيها، هو مكسب لينا وحاجة مريحة للأولاد".

وواصل: "الاختيار دلوقتي بقى متروك للطلاب، بياخدوا مشروع البحث ويعملوه بقى في أسبوع في 10 أيام أو 12 يوم، الطالب يعمله لوحده أو في مجموعة، المهم إنه يتعلم من خلال المشروع ده وينجح في نفس الوقت والسنة مش تطول عليهم، ويبقى عندهم أجازه في الصيف وكل حاجة".

قد يهمك أيضا :  

وزير التعليم يزف بشرى سارة للطلاب ويكشف آخر تطورات التعليم عن بعد

مصر تستغل فترة تعطيل الدراسة لتعقيم المدارس والجامعات