عمرو أديب يفتح النار على «الجزيرة» بسبب السفينة الجانحة

علق الإعلامي عمرو أديب على أزمة السفينة الجانحة في قناة السويس: "سؤال مهم.. ليه لحد دلوقتي كل الأخبار عن المركب بتاعة قناة السويس من مصادر أجنبية، وهنا مصدر مطلع  يؤكد لا ينفي لأ ما اتعومتش.. اتكلموا يا جماعة".وتابع خلال برنامج "الحكاية" المذاع علي قناة "mbc مصر": "النهارده الجزيرة بتقول خساير توقف قناة السويس بالمليارات، و12% من التجارة العالمية اتعطلت.. مش قناة السويس دي يا جزيرة من سنة كانت ملهاش لازمة!".

    عمرو أديب: اللي حصل يوريك أهمية مصر.. والفرق بين اللي عنده قناة سويس واللي ماعندوش غير قناة تلفزيون#الحكاية#MBCMASR
    أصل الحكاية كل يوم هتعرفها مع عمرو أديب ومتخليش يفوتك حاجة من هنا :https://t.co/wQld8Ezzyk pic.twitter.com/SSgJNJuqAw
    — الحكاية (@Elhekayashow) March 26, 2021

 وأضاف: "هو مصر المفروض تاخد تعويضات ولا تدفع تعويضات بسبب السفينة الجانحة؟.. وأنا في الطيارة مياه قناة السويس عاملة زي موقف ميدان التحرير شوفتوا أهميتها؟".

وأكمل: "في القنوات المعادية قالوا يروحوا رأس الرجاء الصالح.. شركات السفن قالوا الطريق ده مش آمن لكن قناة السويس آمنة".

واستطرد: "اللي حصل يوريك أهمية مصر.. والفرق بين اللي عنده قناة سويس واللي ماعندوش غير قناة تلفزيون".

وقالت المنظمة البحرية الدولية: إنها تتابع عن كثب حادثة جنوح سفينة الحاويات إيفر جيفن، في قناة السويس في 23 مارس 2021، حسبما أفاد مركز الأمم المتحدة للإعلام.

وقال الأمين العام للمنظمة التابعة للأمم المتحدة، كيتاك ليم: "أشد على أيدي السلطات المصرية، وكذلك عمال الإنقاذ والقاطرات والجرافات وجميع الأطراف الأخرى، الذين يعملون بلا كلل لإعادة تعويم السفينة بأمان واستئناف العبور بأسرع وقت ممكن، عبر أكثر طرق العبور التجارة البحرية ازدحاما في العالم. أقدر جهود كل فرد يشارك في هذا الأمر".

وتابع: "إنني على دراية بتبعات الإغلاق المؤقت للقناة، وأدعو أصحاب المصلحة عبر سلسلة الإمداد إلى التحلي بالصبر، بينما يعمل الجميع من أجل ضمان أن تبقى السفينة وطاقمها وحمولتها والبيئة متمتعين بالحماية".

وقال الأمين العام للمنظمة في ختام بيانه، "أتطلع إلى تلقي المعلومات من التحقيقات الجارية في الواقعة لكي تتمكن المنظمة البحرية الدولية من التصرف بناء على أي توصيات مناسبة مستمدة من النتائج".

قد يهمك أيضًا :

خيري رمضان يعلن أن عمرو أديب يعاني من ألم شديد في الظهر

لميس الحديدي تؤكّد أن عمرو أديب يشعر ببعض الآلام