الإعلامي أكرم حسنى يقترح تأجير جزيرة للرجال فقط بعيدًا عن زوجاتهم

اقترح  المذيع المصرى أكرم حسني، مقدم برنامج "للرجال فقط" على إذاعة "نجوم إف إم"، تأجير جزيرة تكون للرجال فقط، بعيدًا عن زوجاتهم لمدة 5 أيام، مضيفًا: "عايز نكون كلنا في جزيرة لوحدنا بعيدًا عن طلبات الستات، عايز أبعد عن خد كيس الزبالة، وأشتري شاي ولبن أو وديني عند ماما أو ركب الستائر، أو أغسل المواعين، طبعًا لو رفضت أي طلب هتفتح على نفسك باب جهنم للخناقات، الست مخلوق محير ومخليني مش عارف أفسر تصرفاتهم، مع أن الطلبات اللي بتطلبها الست ممكن تنفذها لوحدها".

أضاف: "هناك نوع من السيدات تدعى مدام طلبات وهي التي لها طلبات طول الوقت سواء مادية أو معنوية"، مؤكدًا أن "الست تعامل الرجل مثل أسرى الحرب، تريد دائمًا أن تعكنن على الرجل بطلباتها، مرة تقوله علق الستائر، صلّح الكهرباء، أكوي الملابس، وكأن الرجل خدامة فلبينية تحقق أحلامها".

وأكد أن "الست اللي بتبقى متطلبة تكون غلسة وبايخة، وساعات طلبتها تبقى تخلي الواحد ينتحر وتقفل يوم الرجل من أوله،  الستات طلباتهن كانت كثيرة في العيد بداية من الكحك والملابس، وختامها السفر للمصيف وجميع لوازمه من ملابس البحر وتأجير العجل والبيتش بغي، وساعات الست تنتقل إلى مرحلة طب ليه منشتريش شالية في الساحل الشمالي عشان نصيف أكثر من مرة في العام".