ريهام سعيد تقرر مقاضاة منتقديها عبر مواقع التواصل

أعربت ريهام سعيد مقدمة برنامج "صبايا الخير"، عن استيائها من منتقديها عبر مواقع التواصل الاجتماعي، وقررت مقاضاة كل من يسبها، ولا سيما بعد الهجوم المتواصل عليها بعد الحلقة الماضية، في التحدي بين الشيخ محمد عبد الله نصر المعروف بالشيخ ميزو والشيخ صبري عبادة لمناقشة تضارب الفتاوي بين الشيوخ.

وذكرت ريهام في مقدمة حلقتها "أكيد اللي بيدخل يشتم ده واحد مترباش، وأكيد فاشل من غير ما أشوفه، زمان كنت بعيط أزاي أنا جايبة الشتيمة لأهلي كدة لمجرد إني مذيعة وبخدم بلدي".

وتابعت، "أنا ماديا أقسم بالله العظيم أنا مش محتاجة اشتغل خالص، أنا ممكن أحط رجل على رجل في البيت وأعيش ملكة، أنا هنا بس عشان الناس المرضى.. مش عاجباك ريهام سعيد ماتشوفش مين قالك تشوف الحلقة".

وأضافت مقدمة "صبايا الخير"، "إذا كان خدمة الناس هيبقى جزائي تجيب لي التهزيق والشتيمة لأهلى أنا أسفة هنسحب فورا".

وتوعدت ريهام كل من يسبها على مواقع التواصل الاجتماعي، قائلة "لو دخلت ولاقيت شتيمة هلم كل الشتايم.. أنا عندى فريق IT خاص بعيد عن فريق قناة "النهار"، وهلم كل الأسامي دي وهقاضيها"، وتابعت "انتقد قول أي حاجة بس إلا أبويا وأمي، أنا راجل في كلامي، ولو أنت راجل بجد متعملش FAKE ACCOUNT وتبقى قد الشتيمة دي".