ريهام سعيد تكشف لـ"جمهورها" ما كانت تقصده من حلقة السمنة

نشرت الإعلامية ريهام سعيد فيديو عبر صفحتها على اليوتيوب, كى توضح لجمهورها ما كانت تقصده من حلقة السمنة, مؤكدة أنها كانت سمينة بالفعل, ولكن حاولت بكل الطرق أن تقلل من وزنها لتنعم بصحة أفضل.

ووجهت ريهام كلامها لجمهورها وقالت، "كل اللي بتقولوه على ده مش حقيقي, عمري ما أهانت الناس البدينة, كلمة مش عايش ده ميت دي كانت شكوى من واحد ممن يعانون من السمنة هو اللي قال الكلام ده وكان عنده إصرار إنه يخس".

وتابعت " والله العظيم ما قلت ولا حاجة.. كل الكوميكس والكلام على السوشيال ميديا مش حقيقى, الناس بتسمع وتصدق, محدش فكر يشوف الحلقة, محدش فكر قبل ما يهاجم عن مستقبل الست دي وأولادها وحياتها, الكل بيردد كلام وخلاص حافظ مش فاهم".

وقالت " أنا عمرى ما أعتذر علشان أرجع شغلي تاني - ده أخطر من السرطان - أنا اشتغلت 16 سنة كنت مضغوطة جداً طول الوقت, معملتش فلوس ولا طلعت بأى حاجة, كنت بخدم الناس وبس, كل تفكيري في اللي عايز حقنة واللي عنده أزمة, مفكرتش في نفسي".

وأضافت " خدمتونى النهارده وفوقتونى إنى لازم أعيش لنفسى وأولادي.. ومش راجعه تاني, كفاية بهدلة".

واختتمت كلامها بتوجيه كلمة للكابتن أحمد حسن عميد الكرة, وقالت والدتك أحسن ست فى الدنيا, بس هتبقى أحسن لما تخس, وذلك بعدما نشر العميد صورة له مع والدته وعلق عليها قائلاً "شايفة الست القمر السمينة دي! تبقى أمي وفي زيها ملايين من أمهاتنا واخواتنا العظيمات إللي جابوا رؤساء وعلماء ومبدعين و رياضيين وفنانين و إعلاميين للأسف انتي واحدة منهم وناجحين في كل المجالات في البلد".

قد يهمك ايضا

ريهام سعيد تعلن اعتزال العمل الإعلامي والتمثيل عبر "إنستغرام"

تامر أمين يعترف بشيء صدم زوجته منه بعد 22 سنة زواج