الإعلامية ريهام سعيد ترد على الفنانة لقاء الخميسي

ردت الإعلامية ريهام سعيد، على هجوم الفنانة لقاء الخميسي، على حلقة برنامج “صبايا الخير” والتي استعرضت فيها طريقة اصطياد الحيوانات البرية، والثعالب على وجه الخصوص، والتي عرضت عبر شاشة “النهار”.

وكتبت ريهام سعيد، في تعليق على فيديو للفنانة لقاء الخميسي التي تُعبر فيه عن غضبها ونشرته عبر حسابها الشخصي بموقع تبادل الصور والفيديوهات القصيرة “انستجرام”، وقالت: “نكذب على الناس ونوريهم طريقة صيد غلط؟ طب الحمد لله إن احنا اكتشفنا أنهم بيتعذبوا كده وبطلي تلبسي جاكتات بالآلاف عشان يبطلوا يصطادوا الحيوانات دي، وعلى فكرة إنتي بتاكلي حمام وهو بيتضرب بالنار وبتطلعي سمكة من المية وبتشويها وهي بتطلع في الروح وتاكليها وبتدبحي الجاموسة وبتصطادي الفار وبتقفلي المصيدة على ديله، أي طريقة صيد مؤلمة”.

وتابعت: “الإعلام دوره العرض لأي حاجة مهمة بسلبياتها وإيجابيتها، إحنا مش برنامج أطفال حضرتك، القتل والدم لما بيظهر في الأفلام بيجرح نظر الأطفال ده مش معناه أنك بتشجعي القتل، هو الغريب أني المفروض زميلة وأنك تنتقديني ده غير مسموح وبعدين أنا متأكدة أنك ما اتفرجتيش على الحلقة الدنيا دوارة على فكرة إن شاء الله البرنامج يكون سبب في أن الظاهرة دي تقف لأن الناس دي معاها تصاريح، المهم هنا أني عمري ما كنت أعرف أنك مهتمة بالتليفزيون أول مرة أشوفك حاطه بوست انتقاد على أساس مفيش حاجة خالص تنتقد غيري، معلش أنا مقدرة خلي بالك عشان كله بيرجع”.

وتفاعلت الفنانة لقاء الخميسي مع تعليق ريهام سعيد، وردت عليها في تعليق آخر قائلة: “أنا مش بتكلم عن المذيع أو المذيعة، بتكلم عن مبدأ الفعل وعرضه على الشاشة و فُرجة بعض الناس عليه على إنه فعل عادي فتيجي الأطفال تتأثر وقبلهم الكبار اللي بنشوف فيديوهاتهم وهما بيعذبوا الحيوانات، كلامي واضح “لا لتعذيب الحيوان أو أي كائن حي” بأي وسيلة ونشرها وعرضها على الملأ، ياريت ما ندخلش في تفاصيل ما تخصناش، كلامي عن المحتوى غير المناسب وغير مقبول لأيًّ من كان مش بس في البرنامج أو غيره في العموم، لازم طول الوقت تسليط الضوء على الرحمة مع الحيوان وعدم تعذيبه إلا في حالة الدفاع عن النفس إذا هاجم الإنسان”.

قد يهمك أيضا : 

مطالبات بمنع ريهام سعيد من الظهور مجددًا على شاشة التلفزيون

 مشادة كلامية بين ريهام سعيد ولقاء الخميسي بسبب "الثعلب"