شادي سرور ينشر فيديو يوضّح فيه حقيقة تركه للإسلام

نشر شادي سرور، صانع الفيديوهات الشهير، مقطع فيديو عبر صفحته الشخصية على الـ"فيسبوك"، قال فيه، "ما كنتش عايز أعمل الفيديو ده لأنه بصراحة ممكن ما يكونش ليه أي 30 لازمة"، موضحًا أنه لو عاد إلى الفيديوهات مرة أخرى، فسيركز في الفيديوهات الترفيهية فقط.

أقرأ أيضًا:شريف مدكور يرد على شادي سرور بعد إعلانه تركه للإسلام

وأوضح شادي أنه نشر هذا الفيديو لسببين وهما، أن والدته انهارت من البكاء، حيث قال، "الست دي بحبها أوي وعمري ما هقبل إني أشوفها حزينة"، أما السبب الآخر فهو يرجع إلى أصدقائه والمقربين منه أو غيرهم الذين تحولوا فجأة لإيذائه، مضيفًا أن الله أعطاه العقل وحرية الاختيار أن يبقى إنسانًا في الخير أو الشر، موضحًا أن من هذا الطريق ظهر منطق الدين في الأنبياء الذين أرشدوا الناس للخير وأبعدوهم عن الشر.

ولفت شادي إلى أنه شاب ولد في المجتمع العربي المسلم في حي فقير جدًا بعين شمس في القاهرة مثله مثل أي طفل يرى الهمجية في أشياء كثيرة حوله مثل ضرب الأب لابنه بأبشع الطرق، موضحًا أن هذا الطفل عندما ذهب إلى المدرسة ليتعلم وجد المدرس، "واقف له بالعصاية وكانوا بيضربونا بأبشع الطرق تفتكروا الطفل ده لما يكبر هيطلع عامل إزاى أكيد هيطلع طفل همجى جدًا، غاضب عايز يعبر عن الشعور اللي جواه ومش عايز يسمع لحد وللأسف هو ده المجتمع بتاعنا".

واستطرد: "أنا كنت طفل زيى زيكم اتعذبت وشفت كل اللي شفتوه، ويمكن أكتر لما تحس أي حد من صحابك أو أهلك بيأذوك حياتك كلها بتتحول لجحيم تخيل بقى أنت بتحس بكل ده وأنت عايش في الدايرة الصغيرة بتاعتك، أنا عايش كبيرة جدًا فيها ناس كتير بتتعامل معاك من خلال السوشيال ميديا".

وأوضح "شادى" أنه خلال الـ24 ساعة الماضية تلقى كمية تهديدات بالقتل والتعذيب ورفع قضايا وناس تتمنى له الموت، فوجه رسالة لهؤلاء، قائلًا، "إنتو متخيلين إن انتم مسلمين، انتم مسلمين في حتة تانية، مسلمين من وجهة نظركم الهمجية، والدين بريء منكم ومن كل تصرفاتكم"، لافتًا إلى أن هناك أشخاص قليلين خيرين "بيعبدوا ربهم كافيين خيرهم شرهم لكن الأغلبية همجيين".

وتابع: "أنا لما نزلت بوست وقلت سبت الإسلام أنا فعلًا سبت الإسلام بتاعكم ده، أنا ماليش دعوة بيه، ده مش إسلام، ده شر وهمجية مالوش علاقة بعبادة ربنا وفعل الخير تمامًا"، موضحاً "أنا بعبد ربنا أحسن منكم كلكم وكل إنسان دخل جرحني وشتمني بأبويا وأمي، أنت ارتاحت نفسيًا حسيت إن أنت أروش شاب في الدنيا، أصيع بنت في العالم مفيش في خبرتك، انتو مش مسلمين".

وأردف "شادى": "في ناس عندنا هوايتها المفضلة إيذاء الغير، الهمجية في التربية وضرب النساء والأطفال لو ده محلل يبقى إنتوا عندكم إسلام غير اللي عندي أنا مسلم بالله مش مسلم إني أضرب طفل"، مضيفًا،"لو أي حد عايز يدخل الإسلام وعرف إن في ناس خرجوا منه والمسلمين جابوهم ودبحوهم تفتكروا هيدخلوا، حرام عليكم انتو ملعونين من ربنا بسبب شركم وإيذاكم للناس، بتحبوا ليه الأذى أنتم ماعندكمش قلب، هو ربنا مش قال تعمل الخير ولا تأذوا الناس أنا لو حكيت طول عمري مش هقدر أقول لكم كنت هعمل في نفسي إيه في الفترة الأخيرة، أنا كنت هموت نفسي".

وقد يهمك أيضًا:شادي سرور يواجه عقوبة السجن 3 سنوات لمجاهرته بـ"الإلحاد"

شادي سرور يتراجَع عن تركه الإسلام بمكالمة مِن والدته