مغامرة يحيى فى جزيرة بالفلبين جيت زيارة ضيعت الباسبور

غريب فى بلاد جميلة»، جملة معبِّرة عن حالة يحيى الغنيمى، 26 عاماً، شاب مصرى مقيم فى الإمارات، ذهب لقضاء عطلته على جزيرة «سيبو» ملكة مدن جنوب الفلبين، كما يطلقون عليها، ليفاجئه القدر بخوض مغامرة من نوع مختلف داخل الجزيرة.

«ضاع منِّى جواز السفر وبقالى 4 أيام عالق فى الجزيرة، مش عارف أتحرك، ومش عارف أستمتع بجمال الجزيرة وهدوئها لأنى مش عارف هحل المشكلة إزاى».. كلمات «يحيى» الذى قضى يومين إضافيين على إجازته بسبب فقدان جواز السفر وعدم قدرته على مغادرة الجزيرة: «جيت للجزيرة أقضى إجازة لمدة يومين بس، دلوقتى بقوا 4 أيام، اتصلت بالسفارة المصرية، أشوف حل وأطلع وثيقة سفر، والسفارة ردت عليّا وموافقة، بس طالبين إنى أروح لهم، وباحاول أشوف طريقة، لأنه من المستحيل أركب طيارة بدون باسبور». بدأ «يحيى» رحلة البحث عن جواز سفره فى جميع الشاليهات الصغيرة الموجودة على الشاطئ: «دوَّرت كتير مالقتهوش».

«رب ضارة نافعة»، مقولة يؤمن بها وقرر أن يتعامل مع الأزمة التى يعيشها بطريقة مختلفة وهى الاستمتاع بالأجواء الجميلة التى تحيط به: «عملت رحلة عوم برفقة الحيتان الأليفة ودى تجربة ممتعة وجديدة عليّا، وخدت مركب رُحت بيه على جزيرة تانية مجاورة واستمتعت بالشلالات». وبحسب «يحيى»، فإن الحياة على جزيرة «سيبو» رخيصة: «رحلة المركب بحوالى 300 جنيه مصرى، وباكل سى فود فى 3 وجبات تكلفتهم مش بتكمل 70 جنيه». قدم «يحيى» بلاغاً فى شرطة الفلبين للبحث عن جواز سفره: «مفيش أى نتيجة لحد دلوقتى، عاوز أوصل لحل عشان شغلى، لولا ارتباطات الشغل، كنت قعدت هنا، واستكشفت أماكن أكبر.. أنا قاعد فى الجنة».

قد يهمك ايضا 

شاب مصرى يدشن تطبيق جديد لتعليم البزنس وريادة الأعمال

7 آلاف جزيرة في الفلبين لكل منها تجربة فريدة ونكهة مختلفة