توقيت القاهرة المحلي 14:20:21 آخر تحديث
  مصر اليوم -

رابطة "وايت نايتس" يرد على حبس "سيد مشاغب وطبلة"

  مصر اليوم -

  مصر اليوم - رابطة وايت نايتس يرد على حبس سيد مشاغب وطبلة

وايت نايتس
القاهرة - مصر اليوم

 أصدرت رابطة ألتراس "وايت نايتس" المنتمية لنادي الزمالك بيانا أعلنت فيه رفضها الحكم الصادر صباح اليوم الأحد، بحبس عضويها سيد مشاغب ومصطفى طبلة، قائدا المجموعة.

جاء البيان :
 براءة جماهير الزمالك المظلومين بقضية مذبحة الدفاع الجوى فى تهم القتل ، و ادانتهم باحكام من سنتين ل ٢٥ سنة فى تهم الاتلاف و البلطجة و حيازة الشماريخ ، و براءة من كل الاتهامات لاتنين من الشباب !!
كل الناس خدت براءة من تهم القتل امال العشرين شهيد دول مين قتلهم ، و فين المسؤولين عن تنظيم المباراة و المسؤولين عن تذاكر المباراة اللى اختفت و فين محاسبة قوات الداخلية اللى كانت بتأمن المباراة و اتسببت فى الكارثة دى !

حكم البراءة لكل المظلومين عادل إنما يتحكم على سيد مشاغب و مصطفى طبلة ب ٧ سنين و هما مفيش عليهم إثبات واحد لتواجدهم حتى فى محيط الاستاد ، فين صورهم و فيديوهاتهم و هما بيخربوا و بيبلطجوا و فى فين الشماريخ اللى كانت فى حيازتهم ، مفيش شاهد واحد شهد و اثبت حضورهم حتى فى محيط الاستاد !

أولياء الدم "أهالى الشهداء" أثبتوا عدم اتهامهم المحبوسين و طالبوا بضم مرتضى منصور و الداخلية للقضية لانهم المسؤولين عن التنظيم و التأمين ، و طبعا لا حياة لمن تنادي !

القضية بايظة من اول يوم لما قررتوا تختاروا المجنى عليه يبقى هو المتهم ، و قررتوا تكدبوا عنيكوا فى جريمة متصورة صوت و صورة و قررتوا تصدقوا التحريات المكتبية اللى بيتكلموا فيها عن نظرية المؤامرة أن الأحداث دى مفتعلة لإفشال المؤتمر الاقتصادى و تشويه صورة مصر ، منتهى الظلم و التدليس و تشويه الحقايق ..

طبعا مفيش حاجة اسمها ٧ سنين على تهم إتلاف و حيازة شماريخ ، ده شئ فى منتهى الجنون ، و ان شاء الله البراءة مؤكده فى النقض ..

حق اللى مات فين؟!

المتهمين اللى عندكوا خدوا براءة من القتل !

فين اللى قتل؟!

فين اللى حرض و دبر؟!

فين المسؤول عن القفص الحديدى اللى كان أول و اخر مرة يظهر فى ملعب كورة قدم بالعالم؟!

هل هيتم فتح التحقيق لمعرفة الجانى الحقيقى اللى قتل العشرين شاب عند ستاد الدفاع الجوى ؟!!

محامين الشباب هيخلصوا اجراءات النقض فى اسرع وقت ان شاء الله و لازم جلسته تبقى فى أقرب وقت ممكن ، براءة و حرية اخواتنا مفيش بديل عنها !!

دم اللى ماتوا مينفعش يتأيد ضد مجهول ، مجهول ازاى و دى اوضح قضية فى التاريخ ، مذبحة متصورة صوت و صورة و هتتأيد ضد مجهول؟!

أهالى الشهداء و إخواتهم و صحابهم و كل جمهور الزمالك عارف ان المحرض و اللى دبر مرتضى منصور المجرم ، و اللى قتل و كمل الجريمة هى الداخلية ، ده كلام مفيش احكام قضاء هتزيفه ولا تغيره و التاريخ هيحفظه ، و عمرنا ما هننسى ولا هنسامح فى حقهم ..

egypttoday
egypttoday

الإسم *

البريد الألكتروني *

عنوان التعليق *

تعليق *

: Characters Left

إلزامي *

شروط الاستخدام

شروط النشر: عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

اُوافق على شروط الأستخدام

Security Code*

 

رابطة وايت نايتس يرد على حبس سيد مشاغب وطبلة رابطة وايت نايتس يرد على حبس سيد مشاغب وطبلة



الإسم *

البريد الألكتروني *

عنوان التعليق *

تعليق *

: Characters Left

إلزامي *

شروط الاستخدام

شروط النشر: عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

اُوافق على شروط الأستخدام

Security Code*

 

رابطة وايت نايتس يرد على حبس سيد مشاغب وطبلة رابطة وايت نايتس يرد على حبس سيد مشاغب وطبلة



GMT 16:04 2019 الأربعاء ,08 أيار / مايو

عامر حسين يلمح لإقامة مباراة الأهلي والزمالك

GMT 15:35 2019 الأربعاء ,08 أيار / مايو

دجلة يفقد جهود حسام عرفات أمام الزمالك
 
Egypt-today

All rights reserved 2019 Arabs Today Ltd.

All rights reserved 2019 Arabs Today Ltd.

egypttoday egypttoday egypttoday egypttoday
Egypttoday Egypttoday Egypttoday
Egypttoday
بناية النخيل - رأس النبع _ خلف السفارة الفرنسية _بيروت - لبنان
Egypt, Lebanan, Lebanon