مرتضى منصور يوجه رسالة لفرج عامر ويطمئنه "اهدى شوية"

وجه رئيس نادي الزمالك، مرتضى منصور، رسالة إلى فرج عامر، رئيس سموحة، خلال المؤتمر الصحافي المقام حاليًا في الزمالك، قائلًا "معنديش مشكلة أدفع فلوس سموحة، وبقول لفرج عامر اهدى شوية، أنا محجوز على حساباتي.. لو عايز أديك شيك دلوقتي معنديش مشكلة، بس مش هيتصرف الحجز هيتفك يوم الأربعاء تعالى خد فلوسك".

وأضاف منصور "اللائحة في النادي تشترط عشان تعمل عضوية ميكونش في حكم نهائي في جناية، ولو وعضو صدر الحكم تتشطب.. ودا حكم محكمة الجنايات بتاريخ 6/11/2001 من 17 عامًا بعد اكتشاف تزوير بعد العضويات عن طريق واحد اسمه وجيه كان رئيس الاشتراكات في الفترة دي والحكم كان معاقبة وجيه بالسجن 5 أعوام ومصادرة العضويات المزورة والراجل ده مات في السجن".

وتابع رئيس الزمالك "العضويات المزورة وفقًا للحكم من ضمنها مجدي حجاج خليل وشهرته مجدي العتال، وبالتالي مالوش عضوية عندي بصرف النظر عن أي حاجة تانية، واللي لغى العضوية محكمة الجنايات ومادام العضوية مزورة يبقى كل العضويات المفصولة منها تبقى باطلة، وهاني العتال فصل عضويته 2005 بعد قرار التزوير".

وأشار مرتضى منصور إلى أن "محكمة الجنايات أصدرت حكمًا ضد مجدي حجاج وأخوه سعيد حجاج بتهمة الاشتراك في تزوير بعض الأوراق الخاصة بأعمالهم الخاصة، وتم إصدار حكم على مجدي وشقيقه سعيد بالحبس مع الشغل والنفاذ، وبالتالي عضويته غير سليمة لأنه كان مخبي الحكم ده وفقًا للائحة ميبقاش عضو في النادي، وتم تنفيذ الحكم في سجن المرج"، وعلّق قائلً  "أنا مبعملش كده عشان ابني اللي هو عضو مجلس نواب ورغم كده هو اللي جاب غروس اللاعيبه هو وأمير رغم أنهم بره النادي".

وكانت أزمة قد نشبت بين الزمالك وسموحة مؤخرًا بسبب باقي مستحقات صفقة انتقال محمود عبدالعزيز من الفريق السكندري للزمالك الموسم الماضي.