هيثم عرابي يطالب بفتح مدرجات التتش لمؤازرة اللاعبين

طالب هيثم عرابى مدير التعاقدات السابق بالأهلى الجميع بعد الهجوم على اللاعبين بعد الأداء السيئ فى مباراتى المصرى وزيسكو الزامبى بالدورى ودورى الأبطال الإفريقى، مناشدا الإدارة الحمراء بفتح مدرجات ملعب مختار التتش أمام الجماهير لمؤازرة اللاعبين فى هذه المرحلة الصعبة. 

قال عرابى عبر حسابه على فيس بوك: "زى أى حد من جمهور الأهلي حزين على النتيجة والأداء والروح للماتش التانى على التوالى الأخطاء واضحة للكل وفى كلام كتير ممكن يتقال ونقد لناس كتيرة بس احنا فعلا فى مرحله صعبه جدا". 

مقدر تماما الحاله اللى الناس فيها لكن حاليا مش وقت الكلام ولا الضغط لكن أكيد هييجى وقت الكلام والانتقاد والضغط لكن لكل حاجه وقتها. 

معادن الرجال بتبان وقت الازمات والشدة وكلنا مستنيين أن لاعبينا تكون قد المسئولية.. أتمنى فعلا فتح التتش للجمهور لأَنِّى عارف مدى تأثير دا على الفريق وثقة فى ذكاء جمهور الاهلى وتعامله مع الموقف صح بس فعلا فريقنا حاليا محتاج جمهوره".