مساعدة ميريهان حسين تؤكد تعرضها للضرب والإهانة

 اكدت نانيس مختار مساعدة الفنانة ميرهان حسين، انها تعرضت للضرب والإهانة من قبل رجال الشرطه بالكمين، وكتبت عبر حسابها الرسمى على موقع التواصل الاجتماعى "فيس بوك" قائلة: "لما واحدة تتشتم وتنضرب وتتهان ويتقص الفيديو، وينزل رد فعلها بس لما غلس عليها بأسلوب وحشي لا داعي لذكره، يقوم يتقلب الحال، والوضع، ويتعمل لها محضر إن هي اللي ضربتهم، بنت هتضرب راجلين، المفروض هما اللي يدافعوا عنها لكن لما ترفض الإهانه يتلفق لها كذب وتضليل، حسب تعبيرها.

وتابعت قائلة: "الموضوع بكل وضوح وصدق، ‏ميرهان حسين، راجعة من التصوير الفجر، ومعاها المساعدة، وقفت في لجنه في ‫‏الهرم ،‫‏الضابط غلس عليها بـ....، فوتت له مرة واتنين، زادت الـ..... ردت عليه علشان احترامها لنفسها ولكرامتها ولأهلها، اتعدى عليها هو والأمين، وخطف الموبايل وهي بتكلم الفنان ‫‏خالد الصاوي، علشان تحكيله، ولسه بتحكي وهي منهارة اتخطف منها الموبايل وهو بيسألها قسم إيه، سمع رد الضابط برده الـ.... اسم النبي حارسك.

وأضافت نانيس: "الخلاصة اتعمل محضر ليها إنها اتعدت على الضابط، شوف إزاي يا جدع، ميرهان هيا اللي اتعدت عليهم، زي كده لما النمله بتدوس على الفيل بالضبط 

واستكملت: "نقيب الممثلين ‫أشرف زكي راح والصحافة والدنيا مقلوبة، والقسم رفض يعملوا محضر إثبات التعدي من الضابط والأمين على ميرهان والمساعده، وهتثبت اللي حصل لها في النيابة وفي شهود على كده.

وواصلت: "أجبرها تنزل من العربية بالعافية ورمالها هدوم التصوير في الشارع، استفزاز جدًا، وماعرفناش طريقها إﻻ الساعة 8 الصبح، وهما حابسنها من 2 بالليل، ويقولك دة معاه شهود وهى ﻻء".

يذكر أن قوات الأمن، القت اليوم، القبض على ميريهان حسين بعد مشاده وقعت بينها وبين ضابط الكمين.