آدم الشرقاوي يَروي رحلة انتقاله الصعبة من مصر إلى أميركا

خلال لقائه مع الفنانة إسعاد يونس في برنامج "صاحبة السعادة"، الذي تقدّمه على قناة dmc، تحدّث الفنان آدم الشرقاوي عن حياته وطفولته في أميركا، وعن عمله في العديد من المطاعم، مشيراً إلى أنه تحمّل المسؤولية منذ الصغر، الى جانب الحديث عن أول تجربة تمثيل خاضها.وقال الشرقاوي: "أنا كان نفسي أرجع مصر، وأرجع لصحابي، ولما ركبنا الطيارة نسيت لعبتي المفضلة، وكنت فاكر إننا راجعين مصر تاني، بس دا محصلش".وأضاف: "أهلي أخدوا منحة سفر؛ لأنهم شافوا الفرص برا مصر أحسن، وبعد فترة اتعودت على الحياة هناك، وأنا صغير كنت بهرب من البيت كتير، لأني عايز أطلع برا البيت وأشوف الحياة وألعب في الشارع، ومكنتش بحب قاعدة البيت ومكنتش بعمل واجباتي المدرسية".واستطرد قائلاً: "هوايتي كانت كرة القدم الأميركية، وقعدت 7 سنين بلعبها، بس بعد فترة نسيت موضوع الكورة دا؛ عشان كان لازم أشتغل فبطّلتها، ومكنتش بروح الجامعة غير عشان محاضرات التمثيل، وكنت مهتم وبذاكر وأروح بدري، وحبيت الموضوع أوي".واختتم آدم بالقول: "بابا علّمني إزاي أشتغل وأكسب فلوس، واشتغلت في مطاعم كتير أوي وكنت عايش على البقشيش عشان أعرف أدفع الإيجار، وأتعلمت أشيل المسؤولية من بدري، وكنت شغال سواق أوبر وقابلت واحد وقالّي لو عايز تمثل كلّمني ونعمل تجارب أداء، وكلّمته ومثّلت في فيلم اسمه Low Low عام 2019، والحمد لله من بعدها بدأت مسيرتي". 

قد يهمك أيضــــــــــــــــًا :

إسعاد يونس تتوسط للصلح بين بهاء سلطان ونصر محروس

إسعاد يونس أمام مني زكي في مسلسل "لام شمسية"