وفاة رضيع إثر إهمال طبي جسيم في كفرالشيخ

لفظ الطفل ياسين أحمد مروان (12 يومًا) أنفاسه الأخيرة داخل مستشفى جامعة المنصورة، الثلاثاء؛ إثر إهمال طبي جسيم داخل حضّانة الدلتا الخاصة بمدينة كفرالشيخ.

وذكرت والدة الطفل الرضيع، آلاء هشام، أنه تم بتر ذراع طفلها بسبب الإهمال الطبي في حضّانة مستشفى خاص في كفر الشيخ، وأضافت عبر صفحتها الشخصية على موقع التواصل الاجتماعي "فيسبوك": أول عملية لبتر ذراع ابني اللي لسه يدوب ما كملش أسبوعين.. الحمد لله ده قضاء ربنا وقدره، واحنا راضيين بيه ومسلّمين لمشيئته اللي أكيد فيها الخير والرحمة، لكن ده ما يمنعش أبدًا إني أدور على حق ابني وحق أطفال كتير ممكن يكونوا ضحية الإهمال الطبي.

ووصفت والدة الطفل حالته، قائلة: ابني أصيب بجلطة في ذراعه بسبب تركيب كانيولا في الشريان بدلًا من الوريد أثناء وجوده في حضّانة الدلتا في كفر الشيخ.. المصيبة الكبرى هي أن الطبيب المعالج لم يتعامل جيدًامع تطور الحالة.. وده ببساطة لأنه ممارس عام غير مؤهل أن يكون الطبيب الوحيد المسؤول عن أطفال حديثي الولادة معظمهم حالات حرجة.

وتابعت آلاء: الناس دي ضيّعت على ابني أول 6 ساعات اللي كانت ممكن تنقذ ذراعه.. أنا وجوزي زي مصريين كتير قوي خدنا ابننا على حضّانة بندفع مبلغ وقدره في اليوم الواحد لكننا مكناش نعرف أبدًا إنها تجارة قذرة وإن الدكتور الجشع صاحب الحضّانة يسترخص ويجيب دكاترة تكليف يباتوا مع الحالات بدل ما يجيب مختصين.. دكاترة لا تقدر تتعامل مع أيّة مضاعفات تطرأ على الأطفال ولا حتى تميزها وتستدعي حد يقدر يتعامل معاها ولا حتى يبلغونا عشان نحاول ننقذ ابننا.