وفاة مهندس في حادث تصادم بعد حفل خطوبته بساعات

لقى مهندس شاب حتفه في حادث تصادم على طريق دمياط – بلطيم بعد ساعات من خطوبته أثناء عودته إلى منزله , وكانت الأجهزة الأمنية في دمياط تلقت بلاغًا بوقوع حادث تصادم بين سيارتين , وتوفي إثر ذلك خالد خيري مهندس نتيجة تأثره بالإصابة , وتبين أن المتوفي كان عائدًا من خطوبته من مدينة دمياط إلى كفر الشيخ.

وقالت خطيبته روان عبر صفحتها على موقع التواصل الاجتماعي عقب وفاته : اتصورنا ومشيت وسيبتني يا خالد كنا متفقين هتختار صورة حلوة سوا نحطها بعد خطوبتنا يا عُمري مالحقتش أبعتلك صور الخطوبة كنا مستنيين اليوم ده من زمان يا عُمري.

رَبّـنا يرحمك ويغفرلك ويدخلك الجنة بغير حساب ولا سابقة عذاب والله ما شوفت منك إلا كل خير، نعم الأخ والصاحب والحبيب , أنا عروستك يا حبيبي , الصبر من عندك يارب إنَّا لله وإنا إليه راجعون ونشرت صورة أخرى وقالت : حبيبي والله راح وسابني .. ادعوله والله كان راجل وجدع ومحترم.

وكتب باسل شقيق خطيبته عبر صفحته " فاكر أول مرة دخلت تكلمني عشان تتقدم لروان أختي و فاكر لما بقينا صحاب و قولتلك أنا هكون مطمن عليها و هي معاك و فاكر لما دخلت بيتنا و بقيت فرد من العيلة و دخلتك للبيت كانت بتملاه كله فرح و بهجة من كبيرنا لصغيرنا كله كان بيبقا فرحان بوجودك و فاكر وقت الخطوبة لما وطيت عليا و قولتلي أنت قلقان ليه , أنا مش عاوز أشوفك قلقان ، أنت كنت هبة من ربنا و ربنا رحمك من الدنيا دي و خدك لمكان يليق بيك و بأخلاقك ربنا يصبرنا على فراقك يا صديقي الصدوق ".

قد يهمك أيضاً :

"إصابة 7 أشخاص إثر حادث علي طريق "دمنهور - دسوق

إصابة 8 أشخاص إثر تصادم في طريق "العاشر - الإسماعيلية"