هنا الزاهد تكشف عن مواصفات فتى أحلامها وتوجه رسالة لوالدها

كشفت هنا الزاهد عن مواصفات فتى أحلامها، كما تحدثت متأثرة عن علاقتها بوالدها ووجهت رسالة له، كما كشفت عن تأثير زوج والدتها الفنان الراحل طلعت زكريا في طفولتها.
مواصفات فتى أحلام هنا الزاهد
تحدثت هنا الزاهد مع النجمة إسعاد يونس عن مواصفات فتى أحلامها، وذلك خلال حلولها ضيفة في برنامجها "صاحبة السعادة"، حيث قالت: "مواصفات فتى أحلامي يكون راجل وسند وظهر، بيعمل أي حاجة علشان يرضيني".
وأضافت: "يشجعك عايزك تكبري وعمره مايغير منك كأنك بنته، الأمان أحس معاه بالأمان، وحتى لو اتصرفت غلط هيعذرني، وانا عمري مابتشد للي في سني يكون في الأربعينيات، وعايزة أعمل أسرة وابقى أم لبنت وولد والبنت يكون اسمها لي لي".
هنا الزاهد تتحدث عن علاقتها بوالدها: مفتقداها أوي
كما تطرقت هنا الزاهد خلال الحلقة للحديث عن علاقتها بوالدها قائلة :"أنا والدي عايش وكان موجود في فرحي، بس هو مش قريب وكان نفسي يكون قريب، بس هو منفصل عن أمي من وأنا عندي 12 سنة، وأنا افتقدت أوي مشاعر الأب معرفش يعني إيه أب، وعلشان كدا بخاف من فشل الزواج أنه يتكرر معايا".

وأكملت: "إذا وقع في ضيقة هبقى سند ليه جدا لأنه أبويا، الله يرحمه طلعت زكريا كان يعاملني مثل ابنته، بس أنا كنت بغير من علاقته بأميمة ابنته، فكنت بقول يا بختها، وهو قام بتربيتنا، بس كان نفسي في أب، علشان كدا أنا بحب ناس أكبر مني في السن".
ووجهت له رسالة خلال الحلقة قائلة: "كان نفسي تكون معايا في الطفولة وفي المراهقة وتسمع كل اللي جواليا، لانه إنسان كويس ومثقف جداً وكنت مفتقدة دا أوي، كان نفسي تقولي لا على قراراتي، كان نفسي تحضر نجاحاتي، أنا معظم الوقت ببقى مستنية منه مكالمة يقولي رأيه في أعمالي، أنا مفتقداه أوي".
واختتمت: "ووقت الانفصال، كان معايا لأول مرة، هو اللي كان بيتكلم ويقول كل اللي جوايا فاتبسط أوي وقولت أنت كنت فين من زمان".

قد يهمك أيضــــاً:

هنا الزاهد تكشف تفاصيل خضوعها لـ عملية تجميل بسبب أسنانها

هنا الزاهد تكشف عن بداية حبها لـ تامر حسني