أحمد الفيشاوي يكشف سبب ابتعاده عن الدراما

في حواره مع الفنان عباس أبو الحسن، في بودكاست "حوارات مع عباس" تحدث الفنان أحمد الفيشاوي، عن الوشوم التي رسمها على جسده، موضحًا أن الأمر ليس نادرًا، خاصة أن هناك العديد من النجوم اعتمدوا رسم الوشوم على أجسادهم، كاشفاً عن سبب ابتعاده تماماً عن الدراما.

قال الفيشاوي: "95 في المئة من ممثلي مصر عاملين تاتو دلوقتي، الناس بدأت تتحرر، وبدأوا يعبروا عن نفسهم وعن الفن اللي عايزين يعملوه من غير ما حد يقول حرام".

وعن ابتعاده عن الدراما وحبه الشديد للسينما، قال: "أنا مقدرش أقعد ثلاثة شهور أصور نفس الشخصية حتى لو هاخد كنوز الدنيا، الناس دلوقتي بتقول إني نجم شباك، والآراء دي أنا مجمعها من الناس ومن المخرج يوسف شاهين، اللي قال المسلسل زي الجورنال تقرأه وتمسح بيه الزجاج أو تحط فيه طعمية، بس الفيلم زي الكتاب هتقدسه في مكتبتك".

تابع: "أستاذ وحيد حامد قالي التلفزيون ده رغي، والأستاذ فاروق الفيشاوي قالي التلفزيون لا ذاكرة له، وأنا بقى بنيت على الكلام ده كله إنك لو عملت مسلسل هتقعد على الكنبة تتفرج عليه، ولكن لو عملت فيلم هتلف العالم في المهرجانات وتشوف الدنيا".

أما عن فكرة جعل الفنان قدوة للجمهور، فعلق أحمد الفيشاوي قائلاً: "مينفعش أقول على الفنان قدوة لأن مش كل فنان قدوة، أنا ممكن اقتدي بيك أقول بيخلي باله من صحته وبيحترم الناس، وممكن يكون فنان في سني ولا بيحترم نفسه ولا الناس، فالمفروض نكون قدوة حسنة، وعلشان كده مش أي فنان قدوة، الفنان اتعمل عشان يسلي الناس".

وعن شغفه في الإخراج وصناعة السينما، قال أحمد الفيشاوي: "أنا عندي طموحات كمخرج ده شغفي وحبي وعشقي، وطول عمري بحلم أبقى ورا الكاميرا مش قدامها وده هيتحقق، وأنا ممثل وبكبر في السن وأي ممثل بيكبر في السن مع الوقت كل شوية الطلب بيقل لغاية ما يبقى مفيش طلب أصلًا".

تابع: "عندي شغف للحياة ولصناعة الأفلام أكتر، وأنا لو مش بصنع أفلام أحسن ليا أموت مش هيبقى ليا لازمة، أنا مجنون بالسينما كمخرج".

وعن أغاني الراب، أوضح أنه أول فنان بالوطن العربي يقدم راب باللهجة المصرية، قائلًا: "أنا اللي بدأت كل اللي بيحصل في الراب ده ومطربين الراب عارفين ده وبيقولوه، وأنا أول ممثل في الوطن العربي كله أو حتى مغني، يقول راب باللغة المصرية العربية في فيلم ورقة شفرة، وبدايتي مع الراب كانت سنة 1993 كان عندي وقتها 13 سنة وكنت بكتب الراب، وكنت مهتم بالمزيكا عامةً ولكن الراب أقرب حاجة لشخصيتي".

   قد يهمك أيضــــــــــــــــًا :

أحمد الفيشاوي يعلن عودته الى السينما بمفاجأة كبيرة

أحمد الفيشاوي يتحدث عن مرضه وإدمان المخدرات