حمزة نمرة يكشف سراً عن حياته الشخصية ومشواره الفني

نشر الفنان حمزة نمرة على حسابه الخاص بـ"إنستغرام" صورة له من تسجل إحدى أغانيه كشف من خلالها كواليس جديدة عن رحلته الى الشهرة والنجاح موجّهاً رسالة محبة لجمهوره بعد النجاح الكبير الذي حققه في ألبومه الأخير "قرار شخصي"، معرباً عن سعادته الكبيرة بردود الأفعال وأنه بالرغم من أنه كان يشعر بأنه لم يأخذ حقه فنيًا ولكنه فوجئ بأن ألبوماته هي الأكثر تداولًا على المنصات الموسيقية.

وكتب نمرة قائلاً: "زمان، لما كان حد يسألني في أي لقاء: هل حاسس إنك مش واخد حقك فنياً؟ كنت باقعد أفكر شوية وأبقى مش متأكد من الإجابة، وغالباً بأكون أقرب لفكرة إني فعلاً كده، لحد ما في يوم قعدت بيني وبين نفسي وسألت نفسي السؤال ده بجد، واكتشفت إن ربنا إداني أكتر مما أستحق، ووصلني لأبعد مما يفترض إني أوصل له بحسابات الدنيا وبالورقة والقلم".

تابع حمزة في رسالته قائلاً: "واحد ماشي عكس التيار، لا بيغني مواضيع شبه الرائج، ولا بيعمل موسيقى شبه الرائج، ولا بيلبس شبه الرائج، ولا بيفرض نفسه بالزنّ على الودان، وفوق ده كله انطوائي وما بيعرفش يخلق علاقات ومعارف في مجاله".

أكمل: "بالورقة والقلم وقوانين الطبيعة، المفروض يبقى بالكتير على هامش الفن ويبقى مسموع في دوائر ضيقة جداً، لكن إن اللي بأقدمه ينتشر بالشكل ده، وإن ألبوماتي تنزل في موسم الصيف فتنافس فئات البوب وتبقى رائجة في كل المنصات، فده فضل من ربنا كبير أوي، ده مش حقي ده أكتر من حقي بمراحل. فالحمد لله رب العالمين".

واستكمل: "بشكركم إنكم كنتم سبب في النجاح ده، كل واحد سمعني واتأثر، اتكلم عني وسط صحابه، نشر أغنية ليا، حضر لي حفلة، ربنا جعلكم سبب في إن فني يفضل عايش. وسامحوني على أي تقصير أو حاجة كانت أقل من توقعاتكم، ده اللي ربنا يسره لي لتقديمه وربنا يرزقنا حسن النوايا، وأخيراً أشكركم من قلبي.. ماشي على الله.. يتكعبل لو بص وراه".

وخاض حمزة نمرة خلال ألبومه الجديد "قرار شخصي" تجربة تسويقية غير معتادة عبر إطلاق أغنياته الثلاث عشرة على أربع دفعات أسبوعية على مدار شهر متواصل، بواقع ثلاث أغنيات مساء كل أربعاء ختامًا برباعية أغاني في الدفعة النهائية، من بينها أغنيات "شمس وهوا" و"يا سهرانين" و"بتستخبى".

 قد يهمك أيضــــــــــــــــًا :

حمزة نمرة يفتتح موسم حفلات الصيف على المسرح الروماني بالإسكندرية

حمزة نمرة وهشام خرما يجتمعان في حفل غنائى على المسرح الروماني 7 أغسطس