حورية فرغلي تكشف عن أمنية حياتها

كشفت الفنانة حورية فرغلي عن الأمنية التي تأمل أن تحققها في حياتها، حيث قالت في تصريحات صحافية: "أنا ماتجوزتش وماخلفتش ونفسي أعيش قصة حب، لكن محدش بيتقدم لي، وأنا أهم حاجة عندي الإنسان من جوه، وعمري ما فكرت في شكله، لكن الأهم يكون قلبه كويس ويراعي ربنا فيا ومايخوّنيش، ومش عارفة لسه موجودة الصفات دي ولا لأ لكني سايباها على ربنا".

وعن تطورات وضعها الصحي، بعد العمليات الجراحية الأخيرة التي خضعت لها في أنفها، قالت حورية: "خلاص ما بقاش عندي عضم في القفص الصدري علشان أحطه في مناخيري، والحمد لله إني بقيت أشم وأتذوق، ولسه فاضل لي عملية واحدة في شيكاغو، لكن أنا راضية حالياً بشكلي، ووصلت لحالة من الصفاء، واللي عاجبه عاجبه واللي مش عاجبه يغير المحطة".

وعن سبب عدم مشاركتها في الكثير من الأعمال، أوضحت: "مش بيتعرض عليا أعمال كتير زي الأول، لأن أنا مشكلتي إني ماليش علاقات في الوسط، وهمَّا كلهم في علاقات وتجمعات وماحدش بيعزمني في أفراح، ومش بحب أروح المهرجانات إلا لو عندي فيلم أو رايحة أتفرج على حاجة، وكنت أتمنى طبعاً أحضر مهرجان القاهرة السينمائي لكن مجتليش دعوة".

وعبّرت حورية فرغلي عن غضبها من التنمّر الذي تعرضت له الفنانة ميرفت أمين بعد انتشار صورة لها بدت فيها بملامح كبيرة في السنّ، قائلةً: "أكتر حد شعر بيها، وأحب أقول للناس إن الشكل أو السن عامة هما الحاجة الوحيدة اللي ما نقدرش نهرب منها، لكن البني آدم من جوه بيفضل زي ما هو، لو نقي بيفضل وجماله الداخلي بيظهر على وشه، وهي مرت بظروف وحشة وقاسية وصحابها الأنتيم ماتوا وبقت لوحدها، وكفاية حالتها النفسية".

قـــد يهمــــــــك أيضــــــاُ : 

حورية فرغلي ونبيلة عبيد تعودان للدراما سويا رمضان المقبل

حورية فرغلي تكشف للمرة الأولى سبب خلافها مع درة