جومانة مراد تؤكد أن الحب أساس استمرارية أي علاقة

كشفت الفنانة جومانا مراد عن رأيها في الزواج، مؤكدة  أن الزواج لا بد أن يكون مدروسًا: «الجواز لازم يبقى مدروس لأنه قرار مش سهل»، لافتة إلى أنه قد يتعرض للفشل حتى لو كان مدروسا بشكل جيد «فيه نصيب وفيه قصص كتير منقدرش نحكم على حاجة ومنقدرش نحط قواعد معينة». وأوضحت جومانا مراد أنها لا تستطيع الزواج بدون حب، مؤكدة أهمية وجود مشاعر تجاه الشخص الذي يمكنها الارتباط به «أنا كجومانة معرفش أعمل حاجة من غير حب ومش لازم يبقى حب قوي وعنيف بس على الأقل أحس إن عندي مشاعر تجاه الشخص ده اللي هيتقفل عليا وعليه باب واحد».

وشددت جومانا مراد على أهمية الحب: «الحب شيء أساسي» متسائلة: «إزاي هتتقبل الشخص لو مبتحبوش.. وإزاي هتستحمله لو عنده عيوب لو انت مبتحبوش وانت بتستحمل صاحبك عشان بتحبه». على الأقل يكون فيه قبول وأكدت جومانا مراد على أهمية وجود القبول كحد أدنى للزواج من شخص ما: «على الأقل يكون فيه قبول أما من غير قبول خلاص». وتابعت: «لسه نسب الطلاق بتزيد وزادت عشان إحنا مبقناش بنستحمل بعض وانت بتستحمل حد لما بتبقى بتحبه ولو انت مش حابب الشخص ده مش هتقدر تستحمله ولما بتحبه بتبرر له بتدي اعذار وبتسامحه بدل المرة 10 و20 ولو انت مبتحبوش مش هتسامحه ولا هتعذره في أي حاجة»، مؤكدة أن «الحب هو أساس استمرارية أي علاقة».

وواجهت جومانا مراد خلال الفترة الماضية مواقف حزينة، حيث توفى والد زوجها الدكتور ربيع بسيسو، وأعلنت جومانا مراد عبر صفحتها الخاصة على موقع «إنستجرام»، قائلة: «إنا لله وإنا إليه راجعون، بقلوب مؤمنة وراضية وصابرة ومحتسبة ننعى فقيدنا الغالي عميد المحامين العرب المستشار أسامة توفيق بسيسو رحمة الله عليه، والد زوجي الدكتور ربيع أسامة بسيسو، سائلين المولى عز وجل أن يثبتنا ويربط على قلوبنا ويقوي إيماننا ويجيرنا في مصابنا».

وواجهت جومانا مراد خلال الفترة الماضية مواقف حزينة، حيث توفى والد زوجها الدكتور ربيع بسيسو، وأعلنت جومانا مراد عبر صفحتها الخاصة على موقع «إنستجرام»، قائلة: «إنا لله وإنا إليه راجعون، بقلوب مؤمنة وراضية وصابرة ومحتسبة ننعى فقيدنا الغالي عميد المحامين العرب المستشار أسامة توفيق بسيسو رحمة الله عليه، والد زوجي الدكتور ربيع أسامة بسيسو، سائلين المولى عز وجل أن يثبتنا ويربط على قلوبنا ويقوي إيماننا ويجيرنا في مصابنا».

قد يهمك أيضــــــــــــــــًا :

جومانا مراد تتحدث عن التخلص من حياتها وتغلبها على الوحدة

أول ظهور للفنانة جومانا مراد بعد وفاة ابنتها