محمد هنيدي يكشف تفاصيل تعرضه للنصب في الإسكندرية

كشف الفنان محمد هنيدي، خلال برنامجه "هنيدي شو" المذاع على قناة "المحور"، تفاصيل تعرضه للنصب في مدينة الإسكندرية.
وقال: "كنت عندي خالتي الله يرحمها في الإسكندرية وأنا طالب في أولى ثانوي وساعتها أعطتني 10 جنيهات وكان مبلغ محترم وقتها وحجزت تذكرة السوبر جيت للقاهرة كان بـ2.5 جنيه وفضل معايا 7.5 جنيه، وأنا بتمشي قدام فندق سيسل في الإسكندرية كان فيه كورنيش وصخر كبير اللي بيرتطم فيه الموج وكنت واقف فرحان ولقيت واحد جاي وبيقولي تتصور صورة عبد الحليم في يوم في شهر في سنة، فأنا قلت له أنت بتتكلم بجد قاللي وربنا، فقالي بص يا محمد أسمع كلامي وهجيبلك الموجة قريبة من وشك ووقفت مستني الموجة تضرب علشان يصورني وهراني صور".
وتابع محمد هنيدي: "قلت للمصور أنا مسافر هتطلع امتى الصور بتاعت الموج، فقالي اصبر بس اديني 10 جنيه فقلت له أنا مش معايا الا 7.5 جنيه، فقاللى إزاي دا أنا مصورك مليون صورة مع الموجة، وابتديت أتحايل عليه ياخد الـ7.5 جنيه، فأخد الفلوس وكتب ليا وصل وقاللي روح شارع السبع بنات رابع عمارة بعد نصف ساعة تروح تاخد الصور، ولما روحت العنوان فتحلي واحد بكرش ولابس فانلة حمالات ولقيته زهقان أوي وبيقولي عايز إيه فقلت له الصور عايزها فقاللي امشي يالا من هنا بصوت عالي، فلقيت واحد تاني بيقول ما تشوف الواد النصاب اللي بيبعت لنا كل شوية حد.. ده  ترزي يا ابني، فخوفت ونزلت قعدت أجرى محطة الرمل علشان أشوف النصاب وركبت الأتوبيس أعيط  لحد القاهرة".
وكشف الفنان محمد هنيدي، في إحدى الحلقات السابقة من نفس البرنامج، السر وراء إيقاف مسرحية "حزمني يا" في بدايتها، وسبب نجاحها.

وقال محمد هنيدي: "المسرحية كان اسمها "حزمني يا بابا"، وبنقول يا رب نجحنا، وشوية والرقابة اعترضت على "يا بابا"، وقالوا: الأب ميرقصش بنته، وقفلوا الرواية أسبوع واحترمنا القرار، وشِلنا كلمة "بابا" وبقت "حزمني يا"، وأول ما فتحنا لقينا نجاح ضخم من عند ربنا".
ولفت: "مسرحية حزمني يا" كانت سببًا في نجاح فنانين كتير، وأولهم أنا وكانت من أحلى الروايات في حياتي".

قد يهمك أيضــــــــــــــــًا :

الفنان «محمد هنيدي» يبدأ أولى تجارب «التوك شو»

ميرنا نور الدين تشارك في بطولة مسرحية "سلام مربع" مع محمد هنيدي