محمد إمام يُؤكِّد على أنّه صاحب أعلى أجر في مصر

تعرّض الفنان محمد عادل إمام إلى الكثير من الهجوم، منتقدين أنه لم يرث موهبة أبيه الفنية، وأنه مفروض على الوسط الفني، لأنه ابن الزعيم عادل إمام ولا يملك أي موهبة .

وقرر محمد إمام أن يرد على منتقديه، فقال: "شيء مش سهل إن الواحد يثبت نفسه في نفس مجال أبوه.. خصوصا لو الأب مش بس ناجح لا ده كمان عدى مرحلة النجاح ووصل لمكانة ما حدش غيرُه وصلها".

وأضاف عبر حسابه على "إنستغرام": "اتهاجمت كتير واتحاربت أكتر.. بس عمري ما ركزت مع أي هجوم أو إحباط.. كان كل حياتي وتركيزي في شغلي.. مجهود كبير في سنين كتير علشان أثبت نفسي في شغلانة بحبها من كل قلبي.. بس جمهورها مش بيرحم وصعب جدا ابن فنان ينجح فيها.. لحد ما إنتوم اللي خليتم أفلامي من أعلى الإيرادات ومسلسلاتي من أعلى المشاهدات".

واختتم كلامه، قائلا: "شكرًا لكل اللي وقف جنبي وشجعني.. إنتم السبب بعد فضل ربنا سبحانه وتعالى إني أمضي عقد بأعلى أجر في مصر.. وشكرًا لكل اللي حاربوني.. إنتم خلتوني أقوى بكتير، فخلوا بقى موضوع الزعيم على جنب وخلونا نشوف أكل عيشنا".

ويخوض محمد إمام السباق الرمضاني بمسلسله "هوجان"، من تأليف محمد صلاح العزب، وإخراج شيرين عادل وبطولة محمد إمام، كريم محمود عبدالعزيز، عبير صبري، صلاح عبدالله، رياض الخولي، أوس أوس، أسماء أبواليزيد، وهاجر أحمد.

قد يهمك أيضَا :

3 فنانين يؤدون أدوار "أبطال رياضيين" خلال الماراثون الرمضاني

محمد عادل إمام يستكمل تصوير مَشاهده الخارجية في "هوجان"